Эх нялхсын эрдэм шин­жил­гээний төв (ЭНЭШТ) онош­­логооны ши­нэ тасгийн нээлтээ өчиг­дөр хийв. Онош­логооны үнэд 1.5 тэрбум төгрөгийн зардал гарсан байна. Уг тасгаа “Үйл онош зүй” хэмээн нэрлэ­жээ.

Тус тасаг нь олон улсын жишигт нийц­сэн оношлогооны 55 га­руй нэр төрлийн төхөө­рөм­жөөр тоног­логдсон бөгөөд али­ваа өвчний оношийг зөв тог­тоож, бү­­­­рэн эмчлэхэд чу­хал ач холбогдол­тойг эмч нар он­цолж байлаа. Нүд, хамар, шүд, хо­доод, сонсгол, залгиур хоо­лой, шээс, тархи, зүрх гээд бараг бүх төрлийн өвч­нийг оношлох бо­ломжтой гэсэн. Тодруул­бал, эхо онош­логоо­ны аппа­рат өмнө нь ашиг­лаж бай­сан ап­паратаас дотор эрхт­нийг ха­руулах чад­вар хэд дахин илүү гэнэ. Үүгээр хү­ний гэдсэнд ургасан олгойн хэл­бэр дүрс, өнгийг ч харж болох аж. “Энэ аппара­таар өдөрт дунджаар 80-100 хүний өвч­нийг оношил­но” гэж ха­риуц­сан эмч нь ярьж бай­сан.

Ходоод гэдэсний дуран оношлогоог бас шинэчилсэн байна. Энэ дурангаар дөрвөн настай хүүхдийн бүдүүн гэ­дэсний хавдрыг дурангийн аргаар эмчилсэн гэнэ. Зүү залгисан 15 настай хүүх­дийн амь насыг энэ дуран­гийн тус­ламжтайгаар эмчил­сэн аж.

Мөн сонсголын бичлэгийн аппарат нь бүх насныхны сонсголыг 100 хувь батал­гаатай тогтоодог аж. Ийм аппа­рат анх удаа орж ирж байгаа­гаараа онцлог юм. Бага насны зарим хүүхэд дутуу сонсгол­тойгоос оюуны хомс­долд орох тохиол­дол байдаг байна. Ха­рин ийм аппараттай болсноор хүүх­дийн сонсголыг үнэн зөв оношилж эмчилгээг шуурхай эхлүүлэх боломж­той болжээ. Өмнө нь манай­хан урд хөрш­ рүү явж сонс­голын бичлэг хийлгэдэг бай­сан гэж хариуц­сан эмч нь хэлж байсан.

Түүнчлэн хамар, залгиу­рын дуран шинээр авчирчээ. Энэ­хүү дуран нь хамар, зал­гиур хэсгийн бүх төрлийн өвчнийг оношлох чадвартай юм. Урьд нь хүүхдүүдийг нор­козонд оруулж байж энэ төр­лийн оно­шилгоог хийдэг бай­жээ. Дээрх аппаратыг долоо хоно­гийн хоёр өдөр оношил­гоонд ашигладаг. Учир нь дурангаар дамжин янз бүрийн халдварт өвчин тусах аюул­тай тул ариутгал хийж, нян­гүй­жүүлэхэд тодорхой хуга­цаа шаарддаг байна.

Мөн зүрхний бичлэг, рент­ген зургийн аппарат ши­нэч­лэгдэж авсаархан, хэрэг­лэхэд хялбар болжээ.
ЭНЭШТ-д 1987 оноос хойш тоног төхөөрөмжийн ийм шинэчлэл хийгдэж бай­гаагүй юм байна. Тус төвийн ши­нэхэн тас­гаар хот, хөдөө­гийн 0-18 насны бүх хүүхэд үнэ төл­бөргүй үйлчлүүлэх боломж­той гэсэн.

П.Энэбиш