Яст мэлхий нь хамгийн эртний амьтнаас гадна дүрс, хэлбэрээ бараг л өөрчлөөгүй. Одоогоор дэлхий дээр 250 орчим төрлийн яст мэлхий бүртгэгдээд байна. Үүнээс эрдэмтдийн анхаарлыг татсан Аня, Юля нэртэй яст мэлхий байлаа. Вашингтон мужийн амьтны хүрээлэнд амьдардаг уг яст мэлхий нь нэг бие, хоёр толгойтой байсан юм. Хоёр толгой нь өөрсдийн талын хөлийг удирдаж, хоол идэхдээ нэг нэгнээсээ өрсөн, булааж иддэг байсан нь хачирхалтай. Харин хамгийн том яст мэлхийг Бискайскийн эргээс загасчид олж байжээ. 2.5 метр урт, 450 килограмм жинтэй уг мэлхий нь одоогоор томоор бүртгэгдсэн бөгөөд нуруун дээр нь таван хүн суухад төвөггүй дааж чадаж байжээ. Харин хамгийн жижиг яст мэлхий хятадад байдаг. Түүний жин ердөө л 200 грамм, урт нь таван сантиметр юм.

Э.Цэцэг