Монгол Улсын Засгийн газар, Монголын Үндэсний Худалдаа Аж Үйлдвэрийн Танхимаас хамтран жил бүр уламжлал болгон зохион байгуулдаг "ТОП-100 аж ахуйн нэгж"-ийн шалгаруулалт нь аж ахуй нэгжүүдийн улс орныхоо нийгэм эдийн засагт оруулж буй хувь нэмрийг үнэлж, улсын төсөвт оруулсан татвар, борлуулалтын орлого, ажилтны тоо, ашиг, хөрөнгийн хэмжээ зэрэг үндсэн шалгуур үзүүлэлтүүдэд тулгуурлан шилдэг аж ахуйн нэгжүүдийг тодруулж, өргөмжилдөг арга хэмжээ юм.

Энэ жил Монзол группийн охин компаниуд нь өнгөрсөн жилүүдийн амжилтаа бататгаж, ТОП-100 аж ахуй нэгжийн жагсаалтын 27 дугаар байранд “Өсөх Зоос” ХХК, 37 дугаар байранд “Баялаг Энержи ресурс” ХХК тус тус эрэмбэлэгдсэн нь харилцагч, хамтран ажиллагч байгууллагууд болон чадварлаг баг хамт олны чин сэтгэлийн хөдөлмөр, хичээл зүтгэлийн үр дүн билээ.

“Монзол” групп нь өнөөдрийн байдлаар 1000 гаруй ажилтныг тогтвортой ажлын байраар хангаж, 2024 онд Монгол улсын төсөвт нийт 214 тэрбум төгрөгийн татварын орлого бүрдүүлж, нийгмийн хариуцлагын хүрээнд 3 орчим тэрбум төгрөгийн хөрөнгө оруулалтыг сум орон нутгийн хөгжилд зориулж, байгууллагын хэмжээнд ажилтнууд руу чиглэсэн олон төсөл, хөтөлбөрүүдийг амжилттай хэрэгжүүлж, тогтвортой хөгжил, хариуцлагатай уул уурхайн бодлогыг тэргүүнд тавин ажиллаж байна.

Улс орныхоо хөгжил дэвшил, байгууллагынхаа эрхэм зорилгын төлөө нэгэн сэтгэлээр хамтдаа зүтгэж байгаа хамт олондоо баярлалаа.

“Монзол” группийн зүгээс цаашид ч эдийн засаг, нийгэм, байгаль орчин, хүний хөгжлийн бодлогыг тэнцвэртэй хэрэгжүүлж, Монгол Улсын тогтвортой хөгжлийн зорилтуудыг бодитоор дэмжин ажиллахаа илэрхийлж байна.

Нийт Монголынхоо ард түмэндээ Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмын баярын мэндийг өргөн дэвшүүлье.

САЙХАН НААДААРАЙ