Унгарын нийслэл Будапешт хотод 6-р сарын 13-20-ны өдөр Жүдо бөхийн ДАШТ болж байна. Энэ тэмцээнд манай улсаас эмэгтэйчүүдийн -63 кг-ын жинд “Алдар” спорт хорооны тамирчин Ази тивийн аварга, Душанбе их дуулгын аварга, ОУХМ Б.Ганхайч, эрэгтэйчүүдийн -60 кг-д Үндэсний шигшээ багийн тамирчин К.Ёолк нар тус тус хүрэл медаль хүртлээ.

Өнөөдөр холимог багийн барилдаантай бөгөөд Монгол Улсын шигшээ баг эхний тойрогт Солонгос улсын багтай барилдахаар оноолт таарсан.

Тамирчид -70кг, -90кг, +70кг, +90кг, -57кг, -73кг гэсэн дарааллаар дэвжээнд гарах юм. Тэмцээн Улаанбаатарын цагаар 16.00 цагт эхэлсэн бөгөөд С1 телевизээр шууд дамжуулан үзүүлж байна. 

Будапешт-2025 ДАШТ-д дэлхийн 93 орны 556 тамирчин хүч үзэж байгаагаас медалийн чанараар Монгол Улсын баг 15-рт эрэмбэлэгдэж байна. 

Багийн барилдааны:  

• -70 кг- Б.Ням-Эрдэнэ- Yerang Lee /унасан/
• -90 кг- Ц.Ган-Эрдэнэ - Jonghoon Kim /унасан/
• +70 кг Д.Номинзул - Hyeonji Lee /унасан/ 
• -73 кг Л.Анхзаяа- Donghuyun Bae- 
• +90 кг Б.Гончигсүрэн - Minjong Kim /нэмэлт цагт торгуулиар ялагдав/
• -57 кг Т.Ариунзаяа - Mimi Huh

​Багийн барилдаанд манай улсын баг 4:0-ийн харьцаагаар ялагдаж, Солонгосын баг шөвгийн наймд шалгарлаа.