Уйгар гаралтай хэт даврагчид халдлага үйлдсэний улмаас дөрвөн хүн амь үрэгдэж, 14 хүн шархадсан талаар “Синьхуа” агентлаг мэдээллээ. Шинжаан Уйгарын автономийн Яркенд мужид хэд хэдэн бөмбөг дэлбэлж, иргэд рүү хутгатай дайрсан хэрэг гарсан байна. Хэргийн газарт ирсэн цагдаа 11 хүнийг буудан хороосон аж. Хятадын засгийн газраас энэ халдлагыг алан хядах үйл ажиллагаа хэмээн нэрийдээд байгаа юм.

Есдүгээр сарын 25-нд халдлагад өртөн зурган иргэн, дөрвөн цагдаа, 40-өөд босогчид алагдаж байсан аж. Орон нутгийн цагдаагийнхны мэдээлж байгаагаар 2010 оноос хойш алан хядах бүлэглэлийн тоо 140-өөс 200 болтлоо өссөн гэнэ.

Хүн амын тал нь уйгар иргэд байдаг Шинжаан өөртөө засах муж нь Хятадын хамгийн тогтворгүй бүс нутаг хэмээн тооцогддог. Хэт даврагч бүлэглэлүүд нь тус бүсийг тусгаар тогтносон улс болгохын төлөө тэмцдэг билээ.   

Эх сурвалж: “Өглөө” сайт