Саудын Араб улс газрын тосонд суурилсан эдийн засгаа солонгоруулахын тулд анх удаа жуулчдад зориулан гадаад эмэгтэйчүүдэд тавьдаг хувцасны шаардлагаа сулруулсан байна.

Гаднын жуулчин эмэгтэйчүүд өмнө нь "Абаяа" гэх урт нөмрөг өмсөх ёстой байсан бөгөөд одоогоос эхлэн өмсөх шаардлагагүй болж байна. Үүний оронд арай энгийн хувцас өмсөх боломжтой болсон гэж тус улсын Аялал жуулчлал, үндэсний өв хариуцсан комиссын дарга Ахмед аль Хатеб мэдээллээ. Үүнээс гадна бямба гарагаас эхлэн 49 орны жуулчид цахим аппликейшнээр дамжуулан жуулчны виз мэдүүлэх боломжтой болж байгаа талаар Ахмед аль Хатеб “Bloomberg” телевизэд өгсөн ярилцлагадаа онцолсон байна.

Саудын Араб улс аялахад хүндрэлтэй орнуудын жагсаалтад байсаар ирсэн бөгөөд тус улс руу зөвхөн бизнес аялал, шашны мөргөл, гэр бүлийн уулзалтад л зориулан виз олгодог ажээ. Хэдий тийм боловч 2016 оноос эхлэн газрын тосны үнийн бууралт Хаант улсын эдийн засагт хүндээр туссан байна. Үүнтэй холбоотой эдийн засгийг солонгоруулах нэг чиглэл нь аялал, жуулчлал болоод байгаа юм.

Ц.Баяр

Эх сурвалж: Bloomberg TV Mongolia