Английн Премьер лигийн сарын шилдэг тоглогчийг EA SPORTS-оос тодруулдаг уламжлалтай. Тэгвэл наймдугаар сарын шилдэг тоглогчоор Норвич Сити клубийн довтлогч Тему Пукки тодорлоо. 

Өдгөө 29 настай Финланд довтлогч тэрээр наймдугаар сард хийсэн дөрвөн тоглолтдоо 5 гоол, 1 гоолын дамжуулалт гүйцэтгэсэн юм. Гэхдээ баг нь ердөө нэг тоглолтод хожин 3 оноотойгоор хүснэгтийн 19 дүгээр байранд бичигдэж байна.

Наймдугаар сарын шилдэг тоглогчийн шагналд Пуккитэй хамт Манчестер Сити клубийн Кевин Де Брюин, Серхио Агуэро, Рахим Стерлинг, Бөрнли клубийн Эшли Барнс, Ливерпуль клубийн Роберто Фирмино нар өрсөлдсөн юм.

Эх сурвалж: PL