Хятадын Шаньдун мужийн Жинань хотноо Хятадын бүх ард түмний XI наадам нээлтээ хийсэн билээ. Өмнөд хөршийн автономит муж, өөртөө засах орон, томоохон хотууд болон Ардын чөлөөлөх армийн зэрэг 34 багийн 11 мянга орчим тамирчин оролцож байгаа бөгөөд спортын 33 төрөлд 362 цогц медалийн төлөө өрсөлдөх юм. Хятадын бүх ард түмний наадамд тус улс маш их ач холбогдол өгдөг бөгөөд дөрвөн жилд нэг удаа зохиогддог олимпоос ч дутахааргүй хэмжээнд зохион байгууллагддагаараа онцлогтой. Наадмын үйл ажиллагаанд олон улсын олимпийн хорооны ерөнхийлөгч Жак Рогге тэргүүтэй 200 гаруй зочид оролцож байна. Манай улсаас МҮОХ-ны ерөнхийлөгч Д.Загдсүрэн, ерөнхий нарийн бичгийн дарга Ж.Отгонцагаан нарын төлөөлөгчид Жинаньд очоод байгаа гэнэ. Энэ үеэр МҮОХ-ны ерөнхийлөгч Д.Загдсүрэнг Хятадын ҮОХ-ны ерөнхийлөгч Лью Пен хүлээн авч уулзжээ.

"Жинань-2009" наадамд Монгол Улсын Ардын багш, гавьяат тамирчин Ч.Дам-диншарав чөлөөт бөхөөр, гавьяат тамирчин, гавьяат дасгалжуулагч Х.Болдбаа-тар жүдогоор, гавьяат дасгалжуулагч Л.Ундралбат буудлагаар ӨМӨЗО-ы тамирчдыг дасгалжуулсан юм. Тэгвэл чөлөөт бөхийн олон улсын хэмжээний мастер Ө.Насанжаргал Нанжинд, Т.Гансүх Ланжоуд тус тус спарткадын багийг бэлдэхэд гар бие оролцсон байна.

Сонирхуулахад, энэ наадамд 142 тамирчнаа оролцуулж буй Өвөрмонголын өөртөө засах орны багаас нээлтийн ёслолд "Бээжин-2008" олимпийн аварга боксчин Жан Сяопин туг залсан бол анхны алтан медалийг нь эрэгтэйчүүдийн марафоны төрөлд Хангай авлаа. Бүх хятадын XI наадмын чөлөөт бөхийн тэмцээнд өндөрлөж байна. Харин жүдогийн тэмцээн даваа гарагт эхэлжээ.