- Лас-Вегас хотын найман оршин суугч тутамд тоглоомын нэг автомат ногддог байна.

- Иргэний дайныг санхүүжүүлэхээр 1862 онд АНУ-д анхны цаасан дэвсгэртүүд хэвлэжээ. Ингэхдээ 1, 5, 25 болон 50 центийн дэвсгэрт гаргасан байна.

- 1976 онд АНУ-д 77 тэрбум гаруй долларын цаасан дэвсгэртүүд гүйлгээнд байжээ.

- 1976 онд 10.000 долларын (Америкт хамгийн том дэвсгэрт) 375 орчим дэвсгэрт байсан байна.

- 1976 онд АНУ-д 110.200.000 телевизор, 372.000.000 радио хүлээн авагч, 125.142.000 телефон утас байжээ.

- Долоо хоног бүр барагцаалбал 2,3 сая америк хүн цалинтай амралт эдэлдэг байна.

- Нью-Йоркт 5.920.000 гаруй телефон утас байдаг нь нийт Итали орныхоос олон ажээ. Нью-Йоркийн шугамд үйлчилдэг телефоны кабелийн урт нь ойролцоогоор 33.500.000 миль гэнэ.

- 1801 онд Томас Жефферсоныг Америкийн Ерөнхийлөгч болоход,  тус орны бүх хүний 20 орчим хувь нь боол байжээ. (Тэгэхэд Америкт 5 сая орчим хүн аж төрж байсан байна).

- 1950 онд АНУ-ын хоёр дахь том муж улс нь Калифорни байжээ.

- 1915 онд Америкийн нэг өрхийн дундаж орлого жилдээ 687 доллар байсан байна.

- Америкт анхны хамгийн доод цалинг 1938 онд тогтоожээ. Тэгэхэд энэ цалин цагт 25 цент байсан байна.

- Америкийн хувьсгалын үед инфляц маш их байснаас болоод эрдэнэ шишийн үнэ 10,000 хувь, улаан буудайнх 14,000 хувь, гурилынх 15,000, махных бүр 33,000 хувиар нэмэгдэж байжээ.

- 1796 оныг хүртэл АНУ-д Франклин муж улс байсан байна. Өнөөдөр Теннесси муж улс болсон юм.

- АНУ-д шашны 200 гаруй урсгал байдаг байна.

- Невада муж улсын оршин суугчид казинод жилд дунджаар 864 доллар алддаг ажээ.

- Америкчуудын 69 хувь нь нас барсныхаа дараа өөр ертөнцөд очно гэдэгт итгэдгийг санал асуулга харуулж байна.

- Америкчууд шүршүүрт орохдоо өдөр бүр бараг 25.000.000 литр ус зарцуулдаг ажээ.

- Нью-Йоркт Дублин хотоос олон ирланд хүн, Ром хотынхоос олон итали хүн, Тель-Авив хотынхоос олон еврей байдаг байна.

- Нью-Йоркт  АНУ-ын хар арьстан хүмүүс хамгийн олноороо суудаг. Дараа нь Чикаго, Филадельфи хот орно.

- Америкийн таван айл өрхийн нэг нь жил бүр оршин суугаа газраа сольдог байна.

- АНУ-д эмэгтэйчүүдийг бодвол, эрчүүд амиа илүүтэй хорлодог ажээ.

- Америкийн анагаах ухааны нийгэмлэгийн сэтгүүлд бичсэнээс үзвэл,  1998 онд гэхэд л эмч нарын бичиж өгсөн эм бэлдмэл буруу үйлчилснээс болоод 100 мянга гаруй америк хүн амь насаа алдсан байна.

- Америкийн бүтээгдэхүүн, эм бэлдмэлийн газрын мэдээгээр, таван америк эмэгтэй тутмын хоёр нь үсээ будуулдаг ажээ.

- Америкчууд жил бүр нохойнхоо хоолонд  хүүхдийнхээ хоолноос их мөнгө зарцуулдаг байна.

- Америкийн марк цуглуулагчдын 53 хувь нь эмэгтэйчүүд байдаг байна.

- Америкийн бүх хотоос Баффало хотод (Нью-Йорк муж улс) кофе хамгийн их уудаг гэнэ.

- Дунд зэргийн америк хүн жилд 213 литр содатой ус уудаг байна.

- АНУ-д ойролцоогоор 800 нэрийн ундны ус худалддаг ажээ.

Я.Сүхбаатар