Өнөөдөр буюу тавдугаар сарын 26-ны өдөр "Үнэн ба зөв" намын дарга А.Отгонбаатар тэргүүтэй хүмүүс нийслэлийн Төв талбайд жагслаа. 

Энэ талаараа тэрбээр өөрийн цахим хуудсаар дамжуулан "Баялгийн хулгайчид нь ялдаг юм уу, байгалийн баялагтаа эзэн болъё гэсэн монгол хүний хүсэл тэмүүлэл ялдаг уу гэдгийг шийдэх болно" хэмээн мэдэгдсэн. 

Ерөнхий сайд Л.Оюун-Эрдэнийг огцрохыг шаардсан "Огцрох амархан" жагсаал өдөр бүр Төв талбайд болж байсан ч Австри улсын ерөнхийлөгийн айлчлалтай холбоотойгоор байршлаа өөрчлөөд буй. 

Тэгвэл "УИХ тар" уриан дор жагссан иргэд өчигдөр буюу ням гарагт жагсаал хийх зөвшөөрлөө цагдаагийн байгууллагын ажилтнаас авсан аж.