Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
457
Дөрвөн улирлын турш бум бужигнадаг Гандантэгчинлэн хийд өнөөдөр ч сүсэгтэн олны хөлд дарагджээ.
Хийдийн үүдэнд “Будаа аваарай, будаа аваарай. Тагтаа хооллох будаагаа аваарай” гэх дуугаар угтуулан, нар салхинд элэгдсэн хүрэн хаалгаар дотогш орлоо.
Таван намартай золгож буй Батцагаан цогчин дуганд олон лам ном хурж, сүсэгтнүүд алга хавсарч, сүсэглэнэ. Зуны адаг сард дөчин таван хоног санваар сахих “Хайлан” хурах гэж энэ аж.
Хурлын тухай Гандантэгчинлэн хийдийн гавж лам Д.Алтаншагай “Энэ хурлаар Ганжуур, Данжуур зохиолыг үзэж судлан лам хуврагууд явдал мөр, ёс суртахуунд улам шамдаж хөгжүүлэх зорилготой.
Хайлангийн онцлог нь гэцэл, гэлэн сахил хүртсэн лам хуврагуудад хол газар одох буюу гэртээ харих, өдрийн 14 цагаас хоол идэх зэргийг хориглодог. Үлдсэн цагийг лам нар хийддээ ганцаарчлан ном давтах, цээжлэх үйлд шамддаг юм.
-Яагаад энд хурж байгаа номыг Төвөд хэлээр уншиж байна вэ?
-Бид Ганжуур, Данжуурыг Төвөд хэл дээр судалдаг. Монгол хэлэнд хөрвүүлсэн бий л дээ, харьцуулан уншиж болно. Гэхдээ аливаа ном зохиолыг анх зохиогдсон хэлнээс бусад орны хэлэнд хөрвүүлэх тусам утга нь гажих сул тултай. Төвөдөөр бичсэн зохиол 1000 жилийн өмнө үүсэж, олон орчуулагчид сайжруулсаар цааш үргэлжлүүлэлгүй орхисон. Тиймээс анх бичигдсэн хэлбэрээр нь уншихыг илүүд үздэг.
Энэ жил нийт 17 гэлэн, 35 гэцэл сахилтай лам хуврагууд өдөр бүр 12:00-13:30 цагийн хооронд хурна” гэлээ.
Дуганы хоймор дахь бурхдын өмнө Япон, Солонгос, Хятад жуулчдын өргөсөн мөнгөн дэвсгэртүүд содон харагдана. Хайлан хурах үеэр сүсэгтэн олон залбирал үйлдэцгээнэ.
Хуралд даган баясагчдыг сэтгэгдлээс сонсвол “Гандантэгчинлэн хийдэд анх удаа ирж байна. Хүний л амьдрал болсон хойно гэр бүл, үр хүүхэд, хань ижлээ даатган мөр бүтэн өвчин зовлонгүй явахыг сүсэглэхээр ирсэн. Олон лам ном хурахтай таарлаа. Тиймээс сүсэглэж сайн сайхныг бэлэгшээлээ” гэж Ч.Долгорсүрэн ярив.
Мөн сүсэглэгч н.Батдорж хэлэхдээ “Гандантэгчинлэн хийдэд сардаа нэг удаа ирж буян номын дуу сонсож, сунаж мөргөдөг.
Ном хурах үеэр ирж мөргөвөл ажил үйлс илүү бүтэмжтэй, ахуй амьдрал дээшилнэ гэж итгэдэг. Тиймээс “Хайлан” хурахад зорьж ирдэг юм. Их хөлгөн судар Ганжуур, Данжуурыг хурж байгаа учраас энергийг нь илүү мэдрэхийг хүсч байна” гэлээ.
Хайлан хурал есдүгээр сарын 5-ны өдрийг хүртэл үргэлжлэх аж.
Дөрвөн улирлын турш бум бужигнадаг Гандантэгчинлэн хийд өнөөдөр ч сүсэгтэн олны хөлд дарагджээ.
Хийдийн үүдэнд “Будаа аваарай, будаа аваарай. Тагтаа хооллох будаагаа аваарай” гэх дуугаар угтуулан, нар салхинд элэгдсэн хүрэн хаалгаар дотогш орлоо.
Таван намартай золгож буй Батцагаан цогчин дуганд олон лам ном хурж, сүсэгтнүүд алга хавсарч, сүсэглэнэ. Зуны адаг сард дөчин таван хоног санваар сахих “Хайлан” хурах гэж энэ аж.
Хурлын тухай Гандантэгчинлэн хийдийн гавж лам Д.Алтаншагай “Энэ хурлаар Ганжуур, Данжуур зохиолыг үзэж судлан лам хуврагууд явдал мөр, ёс суртахуунд улам шамдаж хөгжүүлэх зорилготой.
Хайлангийн онцлог нь гэцэл, гэлэн сахил хүртсэн лам хуврагуудад хол газар одох буюу гэртээ харих, өдрийн 14 цагаас хоол идэх зэргийг хориглодог. Үлдсэн цагийг лам нар хийддээ ганцаарчлан ном давтах, цээжлэх үйлд шамддаг юм.
-Яагаад энд хурж байгаа номыг Төвөд хэлээр уншиж байна вэ?
-Бид Ганжуур, Данжуурыг Төвөд хэл дээр судалдаг. Монгол хэлэнд хөрвүүлсэн бий л дээ, харьцуулан уншиж болно. Гэхдээ аливаа ном зохиолыг анх зохиогдсон хэлнээс бусад орны хэлэнд хөрвүүлэх тусам утга нь гажих сул тултай. Төвөдөөр бичсэн зохиол 1000 жилийн өмнө үүсэж, олон орчуулагчид сайжруулсаар цааш үргэлжлүүлэлгүй орхисон. Тиймээс анх бичигдсэн хэлбэрээр нь уншихыг илүүд үздэг.
Энэ жил нийт 17 гэлэн, 35 гэцэл сахилтай лам хуврагууд өдөр бүр 12:00-13:30 цагийн хооронд хурна” гэлээ.
Дуганы хоймор дахь бурхдын өмнө Япон, Солонгос, Хятад жуулчдын өргөсөн мөнгөн дэвсгэртүүд содон харагдана. Хайлан хурах үеэр сүсэгтэн олон залбирал үйлдэцгээнэ.
Хуралд даган баясагчдыг сэтгэгдлээс сонсвол “Гандантэгчинлэн хийдэд анх удаа ирж байна. Хүний л амьдрал болсон хойно гэр бүл, үр хүүхэд, хань ижлээ даатган мөр бүтэн өвчин зовлонгүй явахыг сүсэглэхээр ирсэн. Олон лам ном хурахтай таарлаа. Тиймээс сүсэглэж сайн сайхныг бэлэгшээлээ” гэж Ч.Долгорсүрэн ярив.
Мөн сүсэглэгч н.Батдорж хэлэхдээ “Гандантэгчинлэн хийдэд сардаа нэг удаа ирж буян номын дуу сонсож, сунаж мөргөдөг.
Ном хурах үеэр ирж мөргөвөл ажил үйлс илүү бүтэмжтэй, ахуй амьдрал дээшилнэ гэж итгэдэг. Тиймээс “Хайлан” хурахад зорьж ирдэг юм. Их хөлгөн судар Ганжуур, Данжуурыг хурж байгаа учраас энергийг нь илүү мэдрэхийг хүсч байна” гэлээ.
Хайлан хурал есдүгээр сарын 5-ны өдрийг хүртэл үргэлжлэх аж.
