Хэнтий аймгийн Өмнөдэлгэр сумын төвөөс баруун хойд зүгт 109 км, Батширээт сумын төвөөс баруун зүгт 79 км, Төв аймгийн Мөнгөнморьт сумын төвөөс зүүн хойд зүгт 76 км зайд өчигдөр /2025.05.08/ 22.23 цагийн орчимд 4.7 магнитудын хүчтэй газар хөдлөлт болжээ.

Газар хөдлөлтийн чичирхийлэл тус аймгийн Өмнөдэлгэр, Батширээт, Биндэр, Төв аймгийн Мөнгөнморьт сум, нийслэлийн нутаг дэвсгэрт мэдрэгдсэн бөгөөд учирсан хохирол бүртгэгдээгүй байна.

Монгол орны нутаг дэвсгэрт 2025 он гарсаар дөрөвдүгээр сарын 1-нийг хүртэлх хугацаанд 3.5- 5.1 магнитудын хүчтэй газар хөдлөлт 12 удаа бүртгэгдлээ гэж ОБЕГ-аас мэдээллээ.