Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
89
.jpeg)
Боловсролын сайд П.Наранбаяр өнөөдөр /2025.02.14/ мэдээлэл хийж, фэйсбүүк, твиттер, снапчат, тик ток зэрэг нийгмийн сүлжээнд 16 хүртэлх насны хүүхэд хандахыг хориглох хуулийн төсөл боловсруулахаар судалж эхэлсэн талаар мэдэгдлээ.
Энэ үеэр дунд сургуулийн сургалтын хөтөлбөрт шинэчлэл хийж буй талаар салбарын сайд сэтгүүлчийн асуултад хариулсан юм.
-Сургалтын хөтөлбөрт ямар өөрчлөлт оруулж байна вэ. Хичээлүүдийн тоог цөөлөх үү?
-Боловсролын яам болон Боловсролын судалгааны үндэсний хүрээлэнд 1, 2-р ангийн хичээлийн ерөнхий хөтөлбөр гарч, сурах бичгийн тохирцыг тааруулах ажил явагдаж байна. Шинэчилсэн хөтөлбөрөөр бага сургууль есөн төрлийн хичээлтэй болж цөөрч байна. Хоёрдугаар ангиас Унших бичиг, гуравдугаар ангиас англи хэлний хичээл үзэж эхэлнэ. Мөн Компьютерийн ухаан гэж шинэ хичээл орно.
Сургалтын хөтөлбөр, сурах бичиг шинээр боловсруулах ажил Боловсролын ерөнхий хуульд заасан хугацаандаа явж байна. Энэ жилээс суурь боловсрол буюу 6-9-р анги, ахлах буюу 10-12-р ангийн сургалтын хөтөлбөр, сурах бичиг шинэчлэх суурь судалгааны ажил эхэлнэ.
Тэгэхээр бага сургуульд хичээлийн төрлийг цөөлсөн. Ахлах, дунд ангид мөн цөөлөх чиглэлээр ажиллана. Дэлхийн дундажтай харьцуулахад манай улсын хичээлийн төрөл тийм өндөртэйд тооцогддоггүй. Тэгэхээр хөтөлбөр шинэчлэгдсэн ч хими, физик, биологи, математикийн хичээл зайлшгүй орно.
-Шинэ сурах бичгийн зураг нь интернэтээс татсан зураг байна гэх мэт шүүмжлэл гарсан. Үүнийг яаж шийдэх вэ?
-Нэгдүгээр ангийн сурах бичгийн 70 орчим хувь нь зураг байдаг. Тэгэхээр сурах бичгийн зураг дээр мэргэжлийн зураач нарыг ажиллуулахаар санхүүжилтийг шийдэж байна. Шинэчилсэн сургалтын хөтөлбөр, сурах бичгийн тохирцыг харах зорилгоор 27 сургуульд шинэчилсэн хөтөлбөрийг хэрэгжүүлж байна. Тэнд тийм зүйл гарсан нь үнэн. Зохиогчийн эрхтэй, монгол зургуудтай болно.
-Сурах бичгийн агуулгад хэр зэрэг өөрчлөлт орох вэ?
-Сурах бичгийн агуулгад нэлээд өөрчлөлт орж байна. Хүүхдийг мэдээллээр дарахаас илүү өөрийнх ажиглах, сурах арга барилыг чухалчилна. Минутад олон үг уншихаас илүү ойлгож уншихад илүү анхаарал хандуулна гэлээ.
Боловсролын сайд П.Наранбаяр өнөөдөр /2025.02.14/ мэдээлэл хийж, фэйсбүүк, твиттер, снапчат, тик ток зэрэг нийгмийн сүлжээнд 16 хүртэлх насны хүүхэд хандахыг хориглох хуулийн төсөл боловсруулахаар судалж эхэлсэн талаар мэдэгдлээ.
Энэ үеэр дунд сургуулийн сургалтын хөтөлбөрт шинэчлэл хийж буй талаар салбарын сайд сэтгүүлчийн асуултад хариулсан юм.
-Сургалтын хөтөлбөрт ямар өөрчлөлт оруулж байна вэ. Хичээлүүдийн тоог цөөлөх үү?
-Боловсролын яам болон Боловсролын судалгааны үндэсний хүрээлэнд 1, 2-р ангийн хичээлийн ерөнхий хөтөлбөр гарч, сурах бичгийн тохирцыг тааруулах ажил явагдаж байна. Шинэчилсэн хөтөлбөрөөр бага сургууль есөн төрлийн хичээлтэй болж цөөрч байна. Хоёрдугаар ангиас Унших бичиг, гуравдугаар ангиас англи хэлний хичээл үзэж эхэлнэ. Мөн Компьютерийн ухаан гэж шинэ хичээл орно.
Сургалтын хөтөлбөр, сурах бичиг шинээр боловсруулах ажил Боловсролын ерөнхий хуульд заасан хугацаандаа явж байна. Энэ жилээс суурь боловсрол буюу 6-9-р анги, ахлах буюу 10-12-р ангийн сургалтын хөтөлбөр, сурах бичиг шинэчлэх суурь судалгааны ажил эхэлнэ.
Тэгэхээр бага сургуульд хичээлийн төрлийг цөөлсөн. Ахлах, дунд ангид мөн цөөлөх чиглэлээр ажиллана. Дэлхийн дундажтай харьцуулахад манай улсын хичээлийн төрөл тийм өндөртэйд тооцогддоггүй. Тэгэхээр хөтөлбөр шинэчлэгдсэн ч хими, физик, биологи, математикийн хичээл зайлшгүй орно.
-Шинэ сурах бичгийн зураг нь интернэтээс татсан зураг байна гэх мэт шүүмжлэл гарсан. Үүнийг яаж шийдэх вэ?
-Нэгдүгээр ангийн сурах бичгийн 70 орчим хувь нь зураг байдаг. Тэгэхээр сурах бичгийн зураг дээр мэргэжлийн зураач нарыг ажиллуулахаар санхүүжилтийг шийдэж байна. Шинэчилсэн сургалтын хөтөлбөр, сурах бичгийн тохирцыг харах зорилгоор 27 сургуульд шинэчилсэн хөтөлбөрийг хэрэгжүүлж байна. Тэнд тийм зүйл гарсан нь үнэн. Зохиогчийн эрхтэй, монгол зургуудтай болно.
-Сурах бичгийн агуулгад хэр зэрэг өөрчлөлт орох вэ?
-Сурах бичгийн агуулгад нэлээд өөрчлөлт орж байна. Хүүхдийг мэдээллээр дарахаас илүү өөрийнх ажиглах, сурах арга барилыг чухалчилна. Минутад олон үг уншихаас илүү ойлгож уншихад илүү анхаарал хандуулна гэлээ.