Жил бүрийн дөрөвдүгээр сарын 23-ныг "Монгол бөхөнгийн өдөр" болгон тэмдэглэдэг. Монголын байгаль хамгаалах сангаас мэдээлснээр, өнгөрсөн онд  Монгол бөхөнгийн тоо толгой 23 мянгад хүрчээ.

Монгол бөхөн нь зөвхөн манай орны Говь-Алтай, Ховд, Дорноговь, Өмнөговь зэрэг аймгийн цөлөрхөг бүсийн байгалийн тэнцвэрийг хадгалдаг ховор амьтан.

Ан агнуур, ган, зуд  амьдрах орчны хязгаарлалтаас  үүдэн бөхөнгийн тоо эрс буурч 1981 он гэхэд Шаргын говь, Махарын бүс нутагт нийтдээ 1000 орчим тоо толгой үлдсэн байжээ.  Үүнээс хойш 1997 оноос Дэлхийн байгаль хамгаалах сангийн Монгол дахь салбар хамгааллын ажлыг эрчимтэй эхлүүлсэн байна.

 Бөхөнг хамгаалахад хэрэгжүүлсэн ажлууд:

•  Бөхөн услахаар очдог булаг шандны эхийг хашиж хамгаалах
•  Бөхөнгийн тархац нутгийг тусгай хамгаалалтад авах
•  Хууль бус агнууртай тэмцэх баг ажиллуулж, хяналтыг тогтмол байлгах
•   Нутгийн иргэдийг хамгааллын ажилд оролцуулах, мэдээллээр хангахад анхаарчээ.

Эх сурвалж: WWF