Засгийн газар, Монголын Үндэсний Худалдаа Аж Үйлдвэрийн Танхим жил бүр хамтран “ТОП-100” ААН-ийг эрэмбэлэн, танилцуулдаг. "Оюу толгой" компани энэ жагсаалтыг дахин тэргүүлэв. 

23 дахь жилдээ зохион байгуулсан жагсаалтыг гаргахад Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Санхүүгийн зохицуулах хороо, Улсын бүртгэлийн ерөнхий газар, Үндэсний статистикийн хороо хамтран ажиллажээ.

Монгол Улсын эдийн засаг, нийгмийн хөгжилд хувийн хэвшлийн ТОП 100 аж ахуйн нэгжүүдийн оруулж буй хувь нэмэр 2023 онд өссөн үр дүнтэй байна. Эдгээр ААН ямар хэмжээтэй татвар төлж, хэчнээн хүнийг байнгын ажлын байраар хангасан бэ?

2023 оны ТОП 100-аар нэрлэгдсэн компаниудын нийт борлуулалтын орлого 50.4 их наяд төгрөг байсан ба үүнээс Монгол Улсад 6.9 их наяд төгрөгийн татвар төлсөн байна. 👇

Тэгвэл өнгөрсөн онд эдгээр компаниудын нийт ажилтны тоо 83.7 мянга байсан нь 2022 оныхоос 12 мянган хүнээр өссөн үзүүлэлт юм. 👇

2023 оны ТОП 100 аж ахуйн нэгжээр шалгарсан байгууллагуудтай танилцах бол ЭНД дарна уу.