Дөнгөж төрсөн нярай хүүхдийн элэгний шүүх үйл ажиллагаа бүрэн хөгжөөгүй байдаг тул цусанд дах билирубиныг бүрэн шүүж чаддаггүй. Улмаар билирубин цусанд байх хэвийн хэмжээнээс ихсэж, хүүхдийн нүдний цөцгий, арьс, тагнай зэрэг газар шаргал туяатай болох шинжээр илэрдэг. Үүнийг нярайн шарлалт гэнэ.

Хэвийн шарлалт нь төрсний дараах 2-3 хоногт эхэлж, нярай эрүүл асаргаа сайнтай бол 14 хоног дотор арилна. Тусгайлсан эмчилгээ шаардлагагүй бөгөөд хөхийг сайн хөхүүлэх шаардлагатай.