Алтан ургийн хаан Тогоонтөмөрийн их хатан Данаширид Өмнөд Солонгосчууд хүндэтгэл үзүүлсэн тухай “Yonhapnews.co.kr” сайтад мэдээлжээ.

Энэхүү арга хэмжээ Өмнөд Солонгосын Ёончунь мужид болж, нутгийн иргэд Данашири хатанд мөргөж, ёслол үйлджээ. Ийнхүү хүндэтгэл үзүүлэх болсон гол шалтгаан нь Өмнөд Солонгосын “SBS” телевизийн кино баг ирэх онд Тогоонтөмөр хааны байлдан дагуулалтыг харуулсан түүхэн уран сайхны кино хийхээр төлөвлөж их хатан Данаширигаас зөвшөөрөл авч мөргөсөн байна. Тэд энэхүү үйлдлээ Солонгосын түүхийн номонд Их Монгол улсын хаад ууртай догшин хэмээн бичсэн байдаг учир хааны итгэлт хүнээр нь төлөөлүүлэн зөвшөөрөл авч байгаа хэмээн тайлбарлажээ.

Данашири хатан нь Юань улсын сүүлчийн хаан Тогоонтөмөрийн их хатан юм. Тэрээр Дархан тайш, Нууц бичгийн яамны сайд, Тайпин ван Яньтөмөрийн охин бөгөөд Дотоод бичгийн яамны зүүн этгээдийн Чинсан Тэнгисийн охин дүү нь байжээ. Данашири хатан нь 1333 оны зургадугаар сард Тогоонтөмөрийг хаан ширээнд залрахад их хатнаар өргөмжлөгдсөн гэдэг