Спортын төв ордонд энэ сарын хоёрны өдөр  хоёр сая төгрөгийн шагналын сантай сагсан бөмбөгийн өсвөр үеийн тэмцээн эхэллээ. Тус тэмцээнийг “Боловсрол ирээдүйн гарц сан” ТББ санаачлан зохион байгуулж байгаа аж.

Тэмцээн нь  ЕБС-ийн ахлах ангийн сурагчдын дунд болж байгаа юм. Энэ удаагийн тэмцээнд  Нийслэлийн 12 жилийн Гурав, Тав, 18, 54, 81 дүгээр сургууль, “Гурван тамир”,  “Ирээдүй”, “Эрдмийн ундраа”, Монгол-Туркийн хамтарсан сургууль, Зүүнхараа, Орхон, Сэлэнгэ аймгийн нийт 12 багийн 130 гаруй өсвөрийн тамирчид өрсөлдөж байна.  Охидын таван баг тойргоор тоглож байгаа бол хөвгүүдийн 12 баг дөрвөн хэсэг хуваагдан хасагдах системээр тоглох юм.

Тэмцээн энэ сарын зургаанд өндөрлөж дүнгээ гаргана.