Согтууруулах ундаа хэрэглэсэн үедээ авто машин жолоодох нь буурахгүй байгаа учир согтуугаар авто машинтай жолоодохтой тэмцэх ажлуудыг Замын цагдаагийн газраас цаг үеийн нөхцөл байдалтай уялдуулан шинээр сэтгэж, төлөвлөж хийхээр болсон байна. Мэдээж хууль дүрэмтэй нийцүүлэн энэ ажлыг хийх юм. Тухайлбал, согтуугаар тээврийн хэрэгсэл жолоодсон жолоочийн согтуурлыг шалган тогтоогоод, согтуурлын зэрэг нь ямар хувьтай гарснаас хамаарч эрх хасах арга хэмжээг ногдуулахаар Замын цагдаагийн газрын Мэргэжлийн зөвлөлөөр хэлэлцэж байгаа аж.

Согтуурлын зэрэг нь төдөн хувьтай гарвал тийм хугацаагаар эрх хасна гэсэн загвар гаргаж олон нийтэд хүргээд, түүнийг мөрдөж ажиллана гэж Замын цагдаагийн газрын Олон нийттэй харилцах ахлах байцаагч, цагдаагийн ахмад Ж.Энхбат ярив.