Хувцас загварын өнгө төрхийг тодорхойлдог "Гоёл 2009" наадмын энэ жилийн топ моделийн өргөмжлөлт О.Уянгатай ярилцлаа.

-Танд баяр хүргэе. Хэд дэх жилдээ загвар өмсч байгаа вэ?
-Баярлалаа. Миний хувьд загвар өмсөөд зургаан жил болж байна. Топ модель гэсэн өргөмжлөлийг авсандаа баяр­тай байгаа. Хүмүүсийн зарим нь намайг энэхүү өргөмж­лөлийг хугацаанаас нь өмнө авлаа гэж ярьж байгаа юм билээ. Өмнө нь над шиг зургаан жил загвар өмсөөд топ модель болсон нь бараг байхгүй. Тиймээс ийм яриа гарсан байх.

-Тэгэхээр зургаан жил гэдэг загварынхны хувьд ямаршуухан хугацаанд тоо­цогддог бол?
-Загвар өмсөгч хүнд зур­гаан жил гэдэг тийм ч урт хугацаа биш. Загварын хувьд олонтаа амжилт үзүүлсэн хүн л топ модель өргөмжлөлийг хүртдэг. Загварын ертөнцөд зориулсан миний зүтгэл, хө­дөлмөрийг үнэлж энэ өргөмж­лөлийг олгосон болов уу.

-Өнгөрсөн хугацаанд амжилттай оролцсон урал­даан, тэмцээнийхээ талаар уншигчдад со­нирхуулахгүй юу?
-2005 онд зохиогдсон "Хав­рын шоу" наадмын Гран­при шагналыг хүртсэн. Тэр жил Монго­лын загвар өмсөгч­дөд I, II, III гэсэн зэрэглэлийг тогтоох шийдвэр гарсан шүү дээ. Анхны энэ уралдаан бүх загвар өмсөгч­дийг хамруулж, нэгдүгээр зэрэглэлийнхэд топ модель Урнаа, Ундраа гээд арван хүн шалгарсны нэг нь би байсан юм.

Түүнчлэн "Miss Mongolia-2006" наадмын "Мисс мо­дель" өргөмжлөлийг хүртэж байлаа.

-Шинэхэн топ моде­лийн ойрын зорилго нь юу болохыг сонирхмоор бай­на?
-Би Хүмүүнлэгийн ухаа­ны их сургуулийн төгсөх курсын оюутан шүү дээ. Сэтгүүлч мэргэжлээр сурч байгаа. Хамгийн түрүүнд сур­гуулиа амжилттай, улаан дипломтой төгсөх гэж мэрийж байна. Мэдээж ийм нэр хүнд бүхий өргөмжлөлийг гард­санаар цаашид илүү амжилт гаргахын төлөө хичээх урам зориг дүүрэн байгаа.

-Яагаад энэ мэргэжлийг сонгосон юм бэ?
-Би хүүхэд байхын өндөр хүүхэд байсан. Дээр нь заг­вар өмсөгч болох нь охи­дуудын багынхан мөрөөдөл байдаг шүү дээ. Би ч гэсэн тэдний нэг байсан. Өөрийнхөө хүсэл, сонирхлыг дагаад 14 настайгаасаа загвар өмсч эхэлсэн. Сэтгүүлч гэдэг мэр­гэжлийг сонгох болсон маань учиртай. Зарим хэвлэлд  заг­вар өмсөгч охид, бүсгүйчүү­дийг хормой сул, мэдлэг бо­ловсрол дорой мэтээр нэр хүндэд нь халддаг. Хэдий тэгж дүгнэдэг ч хувь хүн бүр өөр өөр шүү дээ. Энэ бүхэн­тэй тэмцэж, үнэнийг илчлэ­хийн тулд сэтгүүлч гэдэг мэргэж­лийг сонгосон гэх үү дээ.

-Загвар өмсөгчдөөс хэн­­­тэй нь дотно нөхөр­лөдөг вэ?
-Сэлэнгэ, Энхцэцэгтэй найзалдаг.

-Хувцасныхаа ид, ши­дийг харуулахаас гадна сонин содон төрх загвар өмсөгчдөд анзаарагддаг. Та бусад загвар өмсөгч­дөөс юугаараа ялгагддаг вэ?
-Мэдээж  өөрийн  гэсэн өвөрмөц шинж, төрх байдаг.   Харин намайг өвөрмөц ал­хаатай гэж загварынхан дүг­нэдэг юм билээ. Би тайзанд гарахдаа ердийн өдрөөс ч илүү бардам, өөртөө итгэлтэй алхдаг. Энэ нь биенд таарсан хувцас өмссөнтэй  холбоо­той. Тэгээд ч өмссөн хувцас маань л намайг зоригжуулж чаддаг. Түүнээс гадна, өмс­сөн  хувцасныхаа загвар, гоё сайхныг хүмүүст хүргэхийн тулд хөгжмийн аянд тохи­руулж алхах нь чухал байдаг. Ингэж л кайф авдаг даа. 

-Тэгвэл загвар зохион бүтээгчдээс хэнийх нь ур­ласан  хувцас биенд эвтэй­хэн, гол нь  загвар сайтай санагддаг гэж...
-Загварт хөл тавьсан өд­рөөс л "Шилмэл загвар"-ын хувцсыг өмссөн. Энэ төвд ажил­тай дизайнеруудын хувьд загвар өмсөгчдийн биенд тохирсон хувцсыг  ур­ладаг нь  тайзанд алхахад ч амар байдаг. Ингэхийн тулд загвар өмсөгчдөөс хэнд нь  ямар хувцас өмсүүлэхээ сайтар төлөвлөсөн байдаг байх. Тэгээд ч "Шилмэр заг­вар"-ынхны хувцаснууд өнгө, загвар сайтайгаас гадна биенд эвтэйхэн байдаг. Тэр тусмаа дизайнер Овдогмэ­дийн урласан хувцсыг өмсөх илүү дуртай.  

-Өдөрт хэдэн цаг заг­варын дасгалаа  хийдэг вэ?
-Хүмүүс дунд загвар өм­сөгчийн ажлыг хялбархан мэтээр төсөөлдөг. Үнэндээ загвар өмсөгч болно гэдэг амархан ажил биш. Уйгагүй хөдөлмөрлөхөөс гадна,  тэв­чээр шаарддаг юм. Өдөржин­гөө өндөр гутал өмсч, хөл холготлоо бэлт­гэл хийх үе байдаг. Ер нь өөрөө хөдөл­мөрлөж,  зовж байж олж идсэн талх амттай гэдэг. Энэ ч утгаараа "Топ модель" гэсэн энэ өр­гөмжлөлийг уйгагүй хөдөл­мөрлөсний эцэст л олж авсан гэж бодож байна.

-"Шүрэн бугуйвч" нэр­тэй Монголын уран сайхны кинонд эсрэг дүр бү­тээ­сэн байсан. Бодит амьдрал дээр өөрөө ямар хүн бэ?
-Даруухан талдаа. Баяр­ласан ч, гомдсон ч дуугаа хураачихдаг гэх үү дээ.

-Кино, сурталчилгаанд тоглох урилга хэр их ирдэг вэ. Дээрх кинонд тоглох болсон тухайд...
-"Шүрэн бугуйвч" киноны Сэни нэртэй эсрэг дүрийн эзнийг олохын тулд  загвар өмсөгчдийн дунд шалга­руу­лалт явуулж намайг сонгосон байсан. Мэргэжлийн жүжиг­чин биш ч чадах чинээгээрээ хичээсэн дээ.

-Таны биеийн өндөр, жин,  хэмжээ хэд вэ?
-54 кг жинтэй. 1.80 метр өндөртэй. Уг нь бэлхүүсний хэмжээ 60 байсан. Сур­гуу­лилт ихтэй байсан болохоор ойрын хугацаанд турж, 10 кг жин хаяад байгаа.

-Хоолны дэглэм барь­даг уу?
-Хичээлдээ явж, багшла­хын хажуугаар өдөр бүр фит­нест явдаг болохоор жин ба­рина гэж өлсөх шаардлага гар­даггүй. Мэдээж хоолны дэг­лэм барилгүй яах вэ. Түүнч­лэн саяхнаас төгөлдөр хуур сурч байгаа. Төгөлдөр хуурч байх нь  миний мөрөөдөл бай­сан.

-Хэнтэйгээ амьдардаг вэ?
-Аав, ээжтэйгээ хамт амь­дардаг. Би Дорноговь аймгийн Зүүнбаян сумд төрж өссөн. Аав, ээж хоёр маань олон жил цэргийн ангид ажилласан. Аав саяхан өндөр насны тэтгэ­вэрт гарсан. Нэг ахтай. Одоо гадаадад сурч байгаа.

-БНХАУ-д ерөнхий бо­ловсролын дунд сур­гуульд сурч байсан гэж сонссон юм байна?
-Ер нь багаасаа биеэ даа­гаад сурчихсан. Өөрийнхөө сонирхлоор Хятадад 7-8 анги хүртэл нэг жил сурсан юм. Англи, хятад хэлээр болом­жийн ярьчихдаг.

Мөн дөрөвдүгээр ангид нарийн боовны цехэд, дол­ду­гаар ангид байхдаа цай­ны газарт ажилладаг байсан. Дараа нь загвар өмсөгч бол­сон гээд  зүгээр суух зав гардаггүй байсан.

Их, дээд сургуульд сурч байхдаа ч бусад хүүхдүүдийн адил аав, ээжээрээ сургал­тын төлбөрөө даалгаж бай­гаагүй. Одоо ч гэсэн хичээ­лийнхээ хажуугаар "Шилмэл загвар"-т багшилдаг. Аав, ээж­дээ эрхлээд байдаггүй. Баяр ёслолоор л үнсүүлдэг. Сая болж өнгөрсөн "Гоёл" наад­мыг ээж маань үзсэн мөртлөө на­майг шагнал авч байхад баяр ч хүргэлгүй гэр рүүгээ яваад өгсөн байгаа юм. Ээж рүү залгахад, "Да­ралт их­сээд" гэж байсан. Энэ бүхэн миний багын бие дааж сурсан хү­мүүжилтэй маань хол­боо­той байх.

-Хувийн цуглуулга бий юу?
-Зоосны цуглуулагатай.  Дэлхийн олон орны зоос на­дад бий. Заримыг нь аав, ээж хоёр гадаад руу явахдаа ав­чирч өгч байсан.  

-Нууц биш бол хэр олон эрчүүд харц унагадаг вэ. Анхны хайрын захиаг хэд­дүгээр ангидаа авч байв?
-Харц унагадаг  ч би  тоо­доггүй. Хичээл, сургуу­лилт гээд завгүй байдаг.  Хятадад дунд сургуульд  сурч байхдаа анхны хайрын захиаг хятад хөвгүүнээс  авч байсан.

-Үерхдэг залуу бий юу?
-Би үерхлээ нэлээн орой эхлүүлсэн. 20 настайдаа найз залуутай болж үзсэн. Тэр залуу маань одоо гадаадад сурдаг. Зан  чанар нь надад таалаг­даагүй болохоор бид­ний үер­хэл удаан үргэлж­лээгүй. Саях­наас найз за­луутай бол­сон. Найз маань Хүмүүн­лэгийн ухааны их сургуульд сурдаг.

Ч.Анна