Гадаадын иргэн харьяатын асуудал эрхлэх албаны хяналтын улсын байцаагч нар болон хууль хяналтын байгууллагуудтай хамтран хийсэн шалгалтаар үйл ажиллагааны-хаа тайланг ирүүлээгүй, хаягандаа байхгүй, гэрчилгээ сунгуулах хугацаа нь хэтэрсэн санхүүжилт нь зогссон зэрэг шалтгаанаар 19 байгууллагыг татан буулгах тухай шийдвэр саяхан гаргажээ.

"Арк Мишн", "Нью Виста", "Махарашигийн менежментийн их сургууль", "Ананда дхарма, Норбулинга буддын соёлын институт", "Олон улсын Альяанс", "Олон улсын аялал жуучлалын эрүүл мэндийн нийгэмлэг", "Соёлын найрамдлын нийгэмлэг", Олон улсын "Эй Си Ди Ай Вока", "Соёлын өвийг сэргээн засварлах аялал" төсөл, "Хүүхдийн энх тайван, Аюулгүй байдал хамгаалалт, дэг журмын асуудлаарх академи", "Хойд Америк-Монголын бизнесийн зөвлөл", "Хөгжил дэх оролцооны төлөөх холбоо", "Америк Монголын нийгэмлэг", "Олон улсын хөгжил боловсролын нийгэмлэг", "Япон Монголын найрамдлын нийгэмлэг" зэрэг байгууллагын тамга, тэмдгийг хураан авч татан буулгажээ.

Одоогоор Монгол Улсад ажиллаж байгаа олон улсын болон бусад улсын төрийн бус байгууллагын салбар, төлөөлөгчийн 120 гаруй байгууллага ажиллаж байна. АНУ, БНСУ, Япон зэрэг 15 орны эдгээр байгууллагууд Хүмүүнлэг, тусламж, Хөдөө аж ахуй, Мал аж ахуй, Эрүүл мэнд, Боловсрол, Улс төр, Экологи гэсэн чиглэлээр үйл ажиллагаагаа явуулдаг юм. Дээрх байгууллагын дийлэнх хувь буюу 42 нь АНУ-ын байгууллага ажээ.