Ерөнхийлөгчийн сонгуульд нэр дэвшигч нь сонгуулийн сурталчилгааг санал авах өдрөөс 20 хоногийн өмнө эхлүүлнэ гэж хуульд заасны дагуу Ерөнхийлөгчийн сонгуулийн сурталчилгаа албан ёсоор өнөөдөр эхэллээ.

Ерөнхийлөгчийн сонгуульд нэр дэвшигч нь сонгуулийн сурталчилгааг санал авах өдрөөс НЭГ хоногийн өмнө буюу 2017.6.24-ний өдөр дуусгана. 

Тодруулбал санал авах өдрөөс 24 цагийн өмнө буюу санал хураалт дуусах өдрийн 00:00 цаг хүртэл сурталчилгааг хийнэ. Үүнээс гадна сонгогчид бэлэн мөнгө, эд зүйл тараасныг сонгогч баримттайгаар цагдаагийн байгууллагад мэдэгдэж болох бөгөөд үнийн дүнг 20 дахин нэмэгдүүлсэнтэй тэнцэх мөнгөн урамшууллыг олгож, гэм буруутнаар нөхөн төлүүлнэ.