Баянгол дүүргийн шүүх өчигдөр улсын харцага Ц.Бэгзсүрэнд гурван жил нэг сарын хорих ял ногдууллаа. Тэрбээр тус дүүргийн нутагт үйл ажиллагаа явуулдаг “Номуун” зочид буудлын үйлчлэгч эмэгтэйг зодож, үсдэж чирсэн хэмээн буруутгагджээ.

Улсын харцагад зодуулсан үйлчлэгч эмэгтэйн хэвлий дэх үр нь зулбасан аж. Мөн энэ үеэр дуудлагаар очсон цагдаагийн ажилтанд халдсан нь мөрдөн байцаалтын болон шүүхийн хэлэлцүүлгийн явцад тогтоогдсон аж.