Энэ сарын 11-ний өдөр дэлхий дахин дайнд амиа алдсан олон сая хүний дурсгалыг хүндэтгэлээ. Олон улсад энэ ойтой холбогдуулан арга хэмжээ зохион байгуулсны нэг нь Франц, Германы хил орчмын Верден хотод болжээ. Энд 1916 онд Дэлхийн I дайны хамгийн ширүүн тулааны нэг болсон юм. 130 гаруй мянган хүний шарил байдаг газарт Францын ерөнхийлөгч Николя Саркози, Британийн хун тайж Чарльз, Австралийн амбан захирагч генерал Квентин Брюс, Германы парламентын дээд танхимын ерөнхийлөгч Питер Мюллер нар цэцэг өргөжээ. Лондонд болсон арга хэмжээн дээр Дэлхийн I дайнаас амьд үлдсэн гурван ахмад дайчин оролцсон байна. Тэд 100, 108,112 настай аж.

Дэлхийн I дайн 1914 оны долдугаар сарын 28-аас 1918 оны 11 дүгээр сарын 11 хүртэл дөрвөн жил гурван cap үргэлжилсэн юм. Энэ дайнд тухайн үеийн 59 тусгаар тоггносон улсын 34 нь оролцсон. Дайнд 10 орчим сая хүн амиа алдаж, 20 сая гаруй хүн шархаджээ.

Дайн 1914 оны зургадугаар сарын 28-нд Австрийн герцог Франц Фердинандыг Сербийн оюутан Гаврил Принцип хороосноос үүдсэн юм. Энэ аллагын дараа Австри-Унгар Сербид дайн зарлаж, Орос Австри-Унгарыг дэмжээгүй гэдэг. Үүний хариу болгож Герман Оросод дайн зарлажээ.

1918 оны 11 дүгээр сарын 11-нд Компьенскийн зөвшилцөлд гарын үсэг зурж дайн дууссан юм. Харин 1919 онд Дэлхийн I дайныг Версалийн гэрээгээр албан ёсоор дуусгавар болсон гэдэг.