XVII-р зууны үед Хиросакигийн бүс, Мүцү муж буюу одоогийн Аомори мужийг захирч байсан Цүгарү ноёнтон 1611 онд хираяма-хэв маягийн Хиросаки цайзыг бариулсан юм. Тус цайзын цамхаг анх таван давхар баригдсан боловч 1627 онд аянганд цохиулан сүйрсэн гэдэг.

Үүний дараахан, тухайн үед Япон улсыг захирч байсан Эдо Шогүний засаг захиргаа тус цайзын цамхагийг таван давхар барихыг хориглосон тул гурван давхар барьсан байна. Өдгөө Хиросаки цайзын зүүн өмнө буланд байрлах их бууны цамхаг болон цайзын зүүн хаалга нь Соёлын үнэт биет өвөөр нэрлэгдэх болсон.   

Үүнээс гадна цайзын бүх хэсэг, онцгойлон чулуун хананууд болон ус зайлуулах шуудуу нь түүхийн дурсгалаар нэрлэгддэг. Энэхүү цайзыг тойруулан маш олон сакура мод тарьсан байдаг бөгөөд жил бүрийн дөрөвдүгээр сарын төгсгөлөөс тавдугаар сарын эхэн үе, сакура дэлбээлэх цагаар Хиросаки цайз маш үзэсгэлэнтэй харагддаг байна. Энэ үер тус цайз жуулчдын хөлд дарагддаг юм.