"Ice top" хамтлаг 12 дахь бие даасан тоглолтоо ирэх сарын 8-нд хийхээр болжээ. Тус хамтлаг тоглолтынхоо талаар мэдээлэхээр хэвлэ­лийн бага хурал зарласан ч  өөрсдөө ирсэнгүй. Харин тэд­ний оронд хип хоп холбооны ерөнхийлөгч Баавар, МҮОНТ-ийн "Хит" энтертайнментийн захирал н.Давааням нар ир­сэн юм. "Ice top"-ийнхон тог­лол­тоосоо өмнө ямар ч те­левиз, радио, сонинд ярилц­лага өгөхгүй гэнэ. Тоглолт болтол зөвхөн бэлт­гэлээ хийж "нуугдахаар" шийд­­сэн аж. Тэдний тоглол­тын нэр "Гараа өргөцгөөе". Гурван цаг гаруй үргэлжлэх тоглолтдоо тэд байгуулагдсан цагаасаа эхлэн хийсэн уран бүтээлээ сонирхуулах гэнэ. "Ice top" дөрвөн гишүүний бү­рэл­дэ­хүүнтэй тоглолтод орол­цоно.

Ихэнх дуугаа амь­даар дуулж толилуулахаар төлөвлөсөн байгаа аж. Тус хамтлагийн зарим гишүүн хар тамхи хэрэглэсэн хэргээр нэг жил шоронд хоригдож байгаад гарсан. Өнгөрсөн найман сард тэндээс гарсан даруйдаа тоглолтынхоо бэлтгэлд ор­жээ. Өнөөгийн нийгэмд байгаа хар бараан бүхнийг ил тод, зоригтой илэрхийлсэн дуу­нуудаа эл үдэш өөрсдийн дуу хоо­лойгоороо дахин "ами­луулах" юм байна. Мөн шинэ уран бүтээлээрээ сонсогч­додоо бэлэг барихаар зэхжээ. Хэв­лэлийн бага хурлын үеэр Хип хоп холбооны ерөн­хий­лөгч Баавар "Ice top"-ийн залуусыг хар тамхины хэрэгт холбог­дуулан буруутгаж, шийт­гэж байсан үе бий. Тэр үед на­майг ч гэсэн тэднийгээ цаг­даад барьж өгчихөөд өөрөө мултарсан гэх зэргээр сонин хэвлэлд бичиж байсан.

Би эдэнтэй хоёрдугаар ан­гиасаа эхлэн нөхөрлөсөн. Найз гэж юу байдгийг мэднэ. Тийм зүйл хийх хүмүүжлээр би хүмүү­жээгүй.  Гэвч тэр бүхэн ард хоцорчээ. Одоо "Ice top" хамтлаг эргэн тайз­наа гарах гэж байна. Бид анх хип хоп урлагийг Монголд хөгжүүлэ­хээр явах үед FM радионууд бидний дууг тоож авдаггүй байсан. Харин өнөө­дөр Мон­голын хип хоп урлаг ямар түвшинд хүрснийг "Ice top" хамтлаг харуулна. Бид Аме­рикийн хип хопчдоос хуулдаг цаг өнгөрсөн" хэмээн ярьж байлаа. "Ice top"-ийн тоглол­тын тасалбар 10 мян­ган төгрөг гэсэн.

Я.Мөнгөнцэцэг