Дэлхийн банкны дэд Ерөн­хийлөгч Жим Адамс, Монгол Улсыг хариуцсан захирал Дэвид Доллар, менежер Ар­шад Саид нар өчигдөр ЗТБХБ-ын яаманд хүрэлцэн очиж, сайд Х.Баттулгатай уулзлаа. Дэлхийн банк нь авто болон төмөр замын салбарт хөрөнгө оруулж, урьд нь ч Монгол Улсад тусламж үзүүлж байсан юм. Уулзалтын үеэр сайд Х.Баттулга төмөр замыг өргөжүүлж, хүчин чад­лыг нь сайжруулах, цаашлаад Монгол Улсын нутаг дэвсгэ­рээр дамжуулан хоёр хөршөө холбосон төмөр зам барих сонирхолтой байгаагаа илэр­хийллээ. Ингэснээр БНХАУ, ОХУ-ын хоорондын транзит ачаанаас ашиг олж болно гэж тэрээр тооцоолж байгаа ажээ. Дэлхийн банкны төлөөлөгчид энэ саналыг нь дэмжиж, цаа­шид бүх боломжоороо хамт­ран ажиллахаа илэрхийлэв.

Дэлхийн банкны Ерөн­хий­лөгч ноён Жим Адамс өнөөдөр Төрийн ордонд болж байгаа Эдийн засгийн бага хуралд оролцохоор Монголд ирээд байгаа ажээ.