Өөрийн нутаг дэвсгэрт цэргийн тусгай ажиллагаа явуулан найман хүний аминд хүрсэн хэрэгт АНУ-ыг Сири буруутгалаа. САНА гэх Сири улсын мэдээллийн агентлагийн мэдэгдэлд Америкийн дөрвөн нисдэг тэрэг Иракийн хилээс найман километрт байрласан Абу-Камаль хотоос холгүй орших Суккирая тосгонд хил зөрчин ирж десант буулгасан байна. Америкчуудын довтолгооны цэг нь дутуу баригдсан байшин байсан ба тэнд байсан найман ажилтан тэдний тоонд нэг эмэгтэйг буудан хөнөөсөн гээд тус агентлаг тэр хүмүүсийн нэрийг нийтэлсэн байна. Дараа нь америкчууд нисдэг тэрэгтээ суун Иракийн зүг нисчээ.

Сирийн Дамаск хотноо суугаа АНУ-ын мөн Иракийн Элчин сайд нарыг тус орны Гадаад хэргийн яаманд дуудан ирүүлж тэдэнд албан ёсны эсэргүүцэл гардуулсан байна.

Америкчууд энэ мэдээллийг баталсан ч үгүй, үгүйсгэсэн ч үгүй. Сирийн хэвлэл мэдээлэлд гаргаснаар суннитийн дайчдад зэр зэвсэг нийлүүлдэг цэг болсон Кайм хотоос холгүй газар уг ажиллагааг Америкчууд явуулжээ. Хэрэв энэ мэдээлэл батлагдвап тэр нь Сирийн нутаг дэвсгэрт хийсэн анхны ажиллагаа нь болох юм. Өмнө нь Вашингтон Сирийг Иракийн дайчдыг чөлөөтэй нэвтрүүлж байна хэмээн буруутгаж байлаа.