Өнөөдөр Blue sky зочид буудалд “Мега төсөл хөгжлийн форум” боллоо.

Монгол Улсын сайд М.Энхсайхан “Монгол дахь мега төслүүд: Сорилт, боломж” сэдвээр илтгэл танилцуулжээ. Тэрээр Тавантолгойн ордыг ашиглалтад оруулах томоохон хэлэлцээг хийх Засгийн газрын бүрэлдэхүүнийг ахалж байгаа юм. Үүнээс өмнө тэрээр Тавантолгойн цахилгаан станцын төслийн ахлагчаар ажилласан.   

Түүний дараа Японы Сумитомо Мицуй банкны төлөөлөл “Төслийн санхүүжилт ба Төр, хувийн хэвшлийн хамтын ажиллагаа” гэсэн сэдвээр илтгэл тавьжаээ. Мөн Эгийн голын усан цахилгаан станцын төслийн нэгжийн захирал Д.Одхүү   827.6 сая ам.долларын хөрөнгө оруулалт шаардлагатай төслийнхөө явцбг танилцуулжээ.

 “Мега төсөл хөгжлийн хүрээлэн” ТББ, Засгийн газртай хамтран энэ форумыг зохион байгуулсан юм.