“Хайрын хурим” салон баяр наадамд зориулан урласан шинэ коллекцоо тун удахгүй дэлгэх гэж байна. Тус салон монгол эмэгтэйн сүр хүч, эрхэмсэг ахуйн үлгэр дуурайлал болсон домогт их хатдын дүрийг бүтээсэн зураач Д.Наранцэцэгтэй хамтран энэ удаагийн коллекцоо урлажээ.

Дизайнер Э.Туул, Б.Ууганцэцэг нарын хамтын бүтээл болох Үндэсний хэв маягийг орчин үеийн хувцас загвартай хослуулсан өвөрмөц, тансаг загварын үзэсгэлэнг өөрийн байрандаа энэ сарын 25-28-ны өдрийн 15.00-22.00 цагт зохион  байгуулах аж.

Дизайнер Э.Туул нь УИХ-ын гишүүн О.Содбилэгийн эхнэр. Загварын өндөр мэдрэмжтэй сайхан хувцасладаг бүсгүйчүүдийн нэг тэрбээр дизайнер Б.Ууганцэцэгтэй хамтран “Хайрын хурим” хувцас  загварын салоныг амжилттай ажиллуулж байгаа юм. Тэд давтагдашгүй зураг бүхий шинэлэг, торгон материалтай, складтай, зуны улиралд тохирсон нимгэн, хөнгөн материалуудыг сонгон гоёлоо урлаж байна.