МОГОЛНООС ХХК

Моголноос ХХК нь жилд 5000 тн ноос ноолуур угаах, 100-150 тн самнасан ноос ноолуур үйлдвэрлэх, 150-300 тн нарийн ээрмэл утас үйлдвэрлэх, 10000-15000  ширхэг ноосон пальто үйлдвэрлэх хүчин чадалтай үйлдвэрүүдийг ажиллуулж байна.

Компанийн бусдаас ялгагдах онцлог нь Монгол хонины ноосноос ноолуурыг нь ялгах, ноосны ноолуурыг ямааны ноолуур бусад ширхэгттэй хольж 1/18-2/100 хүртэл нарийн ээрмэл утас үйлдвэрлэж дотоод гадаадын зах зээлд борлуулдаг. Мөн ээрсэн утсаараа нэхмэл даавуу, сүлжмэл бүтээгдэхүүнийг бусад үйлдвэрүүдтэй кластераар хамтран үйлдвэрлэж байна.

АРИГУН ЛАА

"Аригун" брэндийн лаа нь сайн чанарын шар буурцагны (Soywax) тосыг байгалийн сайхан үнэртэй ургамалууд, натураль жимс, цэцэгс, шилмүүсний охиор үнэр оруулж, голыг нь цэвэр даавуун материалаар хийсэн нь тортоггүй шатах давуу талтай юм. Энэ жилээс Япон руу бүтээгдэхүүнээ экспортоор гаргаж эхэлсэн.

LHAMOUR БРЕНД

Lhamour бренд нь Монголынхоо байгалийн цэвэр түүхий эдийг ашиглан чанартай, баталгаатай, хүний арьсанд тэжээл өгөх, өвөрмөц, шинэлэг гоо сайхны болон амьдралын хэв маяг болсон төрөл бүрийн бүтээгдэхүүнийг эх орондоо үйлдвэрлэж, залуу сэтгэлгээтэй, цаашид дэлхийд танигдах монгол бренд буй болгоход оршино.

МОНГОЛ ТЕКСТАЙЛ ХХК

Компани нь 1934 онд Монголын ноос боловсруулах аж үйлдвэрийн салбарын анхны машинт үйлдвэрийн суурин дээр байгуулагдсанаас хойш одоо 83 дахь жилдээ ажиллаж байгаа бөгөөд 2017 оноос “Монгол текстайл” ХХК нэрээр үйл ажиллагаа явуулж байна. Ноос ноолуур будах, ээрэх, нэхэх, гүйцээн боловсруулах үндсэн цехүүд, лаборатори бүхий үйлдвэрлэлийн бүрэн шат дамжлагаар үйл ажиллагаагаа явуулдаг ноос, ноолууран нэхмэл, сүлжмэлийн үйлдвэр юм.

БАЙГАЛЬ БРЭНД

Байгаль Хаус компани нь Монгол хүний оюуны бүтээлийг дэлхий дахинд сурталчлах, хэт даяарчлагдаж буй өнөө үед үндэсний өв уламжлалаа хойш үедээ өвлүүлэн үлдээх зорилгоор 2014 онд үүсгэн байгуулагдаж БАЙГАЛ нэрийн үнэт эдлэл, гоёл чимэглэл, бэлэг дурсгалын загвар гарган бэлэн бүтээгдэхүүнийг дотоод гадаадын зах зээлд худалдан борлуулж байна.

ХУР БРЭНД

“Натурал лидер” ххк нь 100 хувийн Mонголын хөрөнгө оруулалттай байгуулагдсан компани юм. Манай компани монгол үхэр, хонь ямааны арьсаар 20 гаруй нэр төрлийн бүтээгдэхүүнийг эх орондоо үйлдвэрлэн дотоодын болон гадаад зах зээлд гаргаж байна.
Монгол үхрийн арьсаар урласан, сайн чанарын төмөр аралтай, 2 талаараа зүүх боломжтой арьсан бүс нь үйлдвэрийн онцлог бүтээгдэхүүн.

ШИГҮДЭРИ ШИМИЙН АРХИ

ГУМ ХХК-ийн үйлдвэрлэж буй “Шигүдэри” нь тансаг идээний дээж бөгөөд үеэс үед уламжлагдан ирсэн Монголын соёл, өв уламжлалын нэгээхэн хэсэг болох “Шимийн архи”-ны мянга мянган жил дамжин өвлөгдсөн охь найрлагыг орчин үеийн технологийн дэвшилттэй хослуулсан бүтээгдэхүүн юм.

Монгол үндэстний “Шигүдэри” сүүн сархад нь ЮНЕСКО-н биет бус өв соёлд багтахуйц хосгүй технологитой бүтээл бөгөөд энэхүү давтагдашгүй амт нь бэлчээрийн үнээний сүүг нэрэх аргаар алжаал тайлах идээний дээд шимийг бүтээсэн Монгол эрдэмтдийн олон жилийн судалгааны үр дүн болно.

(Бусад брэнд бүтээгдэхүүнүүдийг үргэлжлэлээр танилцуулна)