- Бажи: Анх Чинзо, МС, Анхаа байсан бол Хөлөгөө, бид хоёр нэмэгдэж тавуулаа болсон. 20 жилийн эхний жил гаруй хугацаанд л тавуулаа байсан. Тэр үед “Бүтэлгүй хайр”, “Баярлалаа ухаарлаа” дуу гарсан. 2000 оноос бид гурвуулаа үлдээд бүх зүйлийг анхнаас нь эхэлсэн.

- On'n Off С.Ононбат: Баярлалаа, ухаарлаа дууг анх гарахад хип хоп биш поп дуу болчиж Люмино хамтлаг поп хамтлаг болж байгаа юм уу гэж их шуугисан. Тэр бүгдийг ажралгүй Люмино хамтлаг уран бүтээлээ ар араас нь хийсээр л байсан. Харин одоо энэ дууг хүн болгон сонсдог мэдэхгүй хүн гэж үгүй. Хүнд их ухаарал хайралсан дуу.

- Продюсер Томоо: "Люмино хамтлагийн гишүүд их уран бүтээлч, цаг үетэйгээ хөл нийлсэн, хөдөлмөрч хүмүүс". Люмино хамтлагийн одоо хүртэлх оршин байгаа нь уран бүтээл болгоны хөгжмийн хэмнэл нь бусдаас шал өөр өөрийн гэсэн өнгө аястай. /2001 он “Энд гарч ирэв” анхны цомог Сонор студи./

- Дуучин Наки: Бүтэлгүй хайр, Ирээд буцсан хайр дууг нь илүү их сонсдог.
/- 2002 оны 10 сарын 05 “Ирээд буцсан хайр минь” цомгийн баяр шоу тоглолтоо "Ub palace"-д хийж байсан.
- 2003 онд Zaya’sh production видео клипийг нь бүтээжээ./

2004 онд "Гэрэлт хорвоо" цомог 15000 хувь борлогдсон. Тухайн үед Монголын хамгийн олон ширхэг зарагдсан цомгийн хоёрдугаарт "Гэрэлт хорвоо" ордог.

- Бид "Мuse" гээд диско клубт дуулдаг байх үед төрсөн дуу бол “Намайг дагаад цэнгэ”. Бараг бааранд байхад санаа төрсөн гэхэд болно. Клубын хоёр давхарт гараад харахад хүмүүс үсэрч бүжиглэж байгааг хараад л шууд “хөөрхөн охин тэр доор шоволзож байна” гээд л нүдэнд харсан зүйлээ бичиж бүтсэн дуу. Тухайн үедээ дуу маань гарсан үеэсээ л фм, радиогийн хит парадыг байнга тэргүүлдэг байсан. “Монголын 100-н шилдэг дуу”-ны нэгээр ганцхан хип хоп дуу шалгарсан нь “Намайг дагаад цэнгэ”. Тэр ч утгаараа караоке энэ тэрд одоо хүртэл дуулагддаг юм билээ.

- “Сэмбий” дуу аль 2009 онд хийгдсэн хэрнээ 2013 онд олны хүртээл болсон. Дууны тухайд гэвэл энэ монголчуудын дээр үеэс хэрэглэж ирсэн хэлц үг. Дээшээ босоо бай гэсэн утгатай. Монгол хэлний хар ярианд бол цэмбэгэр, сэмбэгэр гээд цэвэрхэн зүйлийг хэлдэг. Тэр утгаар нь нэрлэсэн. Мэдээж сонсоход л ойлгомжтой, сэргэлэн бай цовоо бай босоо бай гэсэн бэлгэтэй үг. Нэрнээсээ ч бас хамаараад хүмүүсийн сонсох дуртай дуу болсон байх.

- Ая: Бажи Үг: Skitzo, McBeat
Lumino хамтлаг “Заримдаа” нэртэй уран бүтээлээ дуучин Маралжингоотой хамтран дуулжээ.
DJ Anna: "Заримдаа" дууг нь илүү их сонсох дуртай. Учир нь амьдралд ойрхон үнэн үгтэй дуу юм. Гэхдээ ганц "Заримдаа" биш "Гэрэлт хорвоод", "Хүнийх", "Энд гарч ирэв" гэх мэт дууг нь байнга сонсдог.

- Энэхүү дуу нь Lumino хамтлагийн хувьд бүх хөгжим нь амьдаар бичигдсэн анхны дуу бөгөөд үүгээрээ хамтлагийн бусад дуунаасаа онцлог болж байна. Хамтлагийн гишүүд өөрсдөө дууныхаа үг, аяыг зохион продюсерлэсэн бол тус дуунд дуучин Баярцэцэг, A Sound хамтлагийн бөмбөрчин Баагий, Соло гитарчин Атка, Fire хамтлагийн басс гитарчин Билгээ, даралтат хөгжимчин Оки нар тоглосон.

- Манай хамтлагийнхан ярилцаад арай өвөрмөц тэгсэн хэрнээ сонсголтой содон нэр өгье гэж нэлээд ярилцсаны эцэст “Хэмнэл нэрэгч” гэсэн нэр өгөхөөр шийдсэн. Манай шинэ цомгийн нэр байсан. Шинэ брэнд үг. Цагаан идээг боловсруулж нэрдэг шиг бид аялгуу, хөгжмийг дахин нэрж илүү чанартай, өөр зүйл болгож хүмүүст хүргэж байгаа гэдэг утгаар ийм нэр сонгосож байсан.

- Lumino хамтлагийн "Хэмнэл нэрэгч" шинэ цомогт багтсан "Хөдөө гаръя!" дуу. Продюсер: Mcbeatz Үг: Mcbeatz, Skitzo Хэмнэл: Mcbeatz ,Aranza (editing Skitzo) Хоолой бичлэг: White Arch studio, Баярхүү Миксинг: Tуана (Mushroom records) Мастер: Marc D.Eisenhower, ProtrackMastering, LLC Видео: Lanz film production "Бодьхүү-Хөдөө" аянаас уг "sample"-ыг ашиглан дуу хийж болох юм байна гэсэн санааг авч, Соёл-Эрдэнэ хамтлагийн "Хөдөөгийн сайхан талыг зорино" дууны хэсгийг зохиогчийн эрхийн зөвшөөрөлтэйгээр ашигласан.

- “Пентатотик” наадмын шагналыг дөрвөн удаа хүртэж байсан “Люмино” хамтлагийн 20 жилийн ой тохиож байна. Хамтлагийн гишүүд 20 жилийн ойдоо зориулан “Биелгээ хийхийг заагаач хө” шинэ уран бүтээлээ гаргажээ.