Жорж Буш энэ даваа гарагт Атомын эрчим хүчний салбарт хамтран ажиллахаар Оростой байгуулсан гэрээгээ Конгрессаас эргүулэн татжээ. Америкийн ерөнхийлөгч Гүрж-Осетийн хямралаас үүдэн ийм шийдвэрийг Буш гаргажээ,

"Бид харамсаж байна. Гэхдээ ингэхээс өөр аргагүй" гэж Төрийн департментын мэдэгдэлд өгүүлсэн байна. Төрийн департментын төлөөлөгч Шон Маккормакийн хэлснээр гэрээг конгрессаас эргуүлэн татах болсноо Оросын талд дуулгасан гэнэ. Энхийн атомын салбарт Орос-АНУ-ын хамтран ажиллах гэрээнд 2008 оны тавдугаар сарын 6-нд Москва хотноо гарын үсэг зурсан ба гэрээгээр Орос-Америкийн хамтын үйлдвэр байгуулах мөн шинэ технологийн солилцоо хийх, Орост Америкийн цөмийн хаягдлыг боловсруулах үйлдвэр барих зэрэг төслуүдийг хэрэгжүүлэх ёстой байв. Гэрээ хүчин тегөлдөр болоход Америкийн конгрессменүүдийн баталгаа хэрэгтэй байлаа. Оросын Гадаад хэргийн яамны эх сурвалж Америкийн ерөнхийлөгчийн шийдвэр "хоёр талын харилцааг хөгжүүлэх гольдрилоор" явсангүй гэж шүүмжлэв. Иргэний атомын салбарын хамтын ажиллагаа нь Америкт өөрт нь Оросоос илүү хэрэгтэй гэж тэр хэлжээ. Гэрээг шинэ ерөнхийлөгч дахин конгресст өргөн барьж болох ажээ.