ХӨСҮТ-ийн Тандалт судалгааны албаны дарга А.Амбасэлмаагийн мэдээллийг хүргэж байна. Өчигдөр 487 хүнд шинжилгээ хийхэд 4 хүний шинжилгээнд коронавирус илэрлээ.

Тодруулбал, энэ сарын 11-нд Прага-Улаанбаатарын тусгай нислэгээр ирсэн 73 настай эмэгтэй, 20 настай эмэгтэй, мөн Алтанбулгийн боомтоор орж ирсэн одоо Орхон аймагт тусгаарлагдаж буй 24 настай эрэгтэй, Дархан-Уул аймагт тусгаарлагдаж буй 65 настай эмэгтэй, ОХУ-ын иргэний шинжилгээ эерэг гарлаа. Ингээд нийт батлагдсан тохиолдол 297 боллоо. Үүнээс 269 тохиолдол эмчлэгдсэн. Одоогоор 44 хүн сувилалд, гэрийн ажиглалтад 32, ажиглалт тандалтын хугацаа дууссан 193 хүн байна. ХӨСҮТ-д коронавирус халдвартай 28 хүн эмчлэгдэж байна. 

ХӨСҮТ-д элэгний хатуурал, элэг бөөрний хам дутмагшилтай хүн эрчимт эмчилгээнд эмчлүүлж байгаа тухай мэдээлсэн. Тус өвчтөн өнгөрсөн шөнө нас барлаа. Халдвартад 11 хоног эмчлэгдсэн. Наймдугаар сарын нэгэнд Сөүл-Улаанбаатарын онгоцоор биеийн байдал маш хүнд ирсэн. Энэ хүн коронавируст халдвараар бус элэгний хатуурал, элэг бөөрний хам шинж хавсарсан тохиолдлын улмаас нас барлаа. Дөрвөн удаагийн шинжилгээгээр коронавирус илрээгүй" гэлээ.