Монгол Улсын Ерөнхий сайд С.Баяр, БСШУ-ны дэд сайд , ШУТИС-ийн Удирдах зөвлөлийн дарга С.Төмөр-Очир, Олимпийн алтан медальт Н.Түвшинбаяр нар ШУТИС-ийн 2008-2009 оны хичээлийн шинэ жилийн нээлтэд оролцож ШУТИС-ийн нийт багш , оюутнуудад эрдмийн их амжилт хүслээ.

Энэ өдөр ШУТИС-ийн ЭХИС-ийн оюутан, Монгол Улсын хөдөлмөрийн баатар, гавъяат тамирчин , Бээжингийн зуны олимпийн аварга Н.Түвшинбаярт "ШУТИС-ийн шилдэг оюутан" алтан медаль , сургалтын төлбөрөөс бүрэн чөлөөлсөн батламжийг ШУТИС-ийн захирал гардууллаа. Гадаадын их, дээд сургууль, олон улсын байгууллагаас олгодог "Ректорын нэрэмжит тэтгэлэг"-т хамрагдсан гурван оюутанд тэтгэлгийг нь гардуулан өгч сурлагын амжилт хүслээ.

ШУТИС нь үндсэн бүрэлдэхүүн болон харъяа нийт 17 сургуультай, инженер техникийн дээд боловсролтой мэргэжилтэн бэлтгэдэг манай улсын томоохон сургууль юм. Тус сургуульд 2008-2009 оны хичээлийн жилд 129 мэргэжлээр 3570 гаруй оюутан шинээр элсэн оржээ.

П.Төгөлдөр