Засгийн газрын ээлжит хуралдаан өнөө өглөө 08:00 цагаас эхэлсэн. Өнөөдрийн хуралдаанаар 12 асуудал хэлэлцэж байгаа бөгөөд сургалтын төвүүдийг нээх тогтоолыг баталлаа.  

Ингэснээр өнөөдрөөс эхлэн 1088 сургалтын төвийг ЭМЯ-ны зөвлөмжийг үндэслэж үе шаттай нээнэ. Сургалтын төвүүд 16-аас дээш насны иргэдийг сургалтад хамруулна.

Түүнчлэн төгсөх анги буюу 12 дугаар ангийн 30 мянган орчим сурагчийг сургууль тус бүрт нь танхимын давтлага өгөхийг Боловсрол, соёл, шинжлэх ухаан, спортын сайд Ё. Баатарбилэгт даалгасан байна. Нэг сургуульд 40-50 хүүхэд байхаар буюу ангид 10-с хэтрэхгүй сурагч давтлага авч болохоор боллоо гэж Засгийн газрын Хэвлэл мэдээллийн албаны дарга Ц.Ганзориг мэдээллээ.