Аливаа улс үндэстний соёл сэтгэлгээг илтгэж, түүхийг өгүүлэх бат дархлаа нь хэл бөгөөд хэлний дархлаа нь үгийн сан, бичгийн хэлд оршино. Тиймээс таны үгийн сангийн мэдлэгт нэмэр болгож дараах үгсийг мэдэхгүй нэгэнд нь таниулж, мэддэг нэгэнд нь сануулж буй. 

Бид та бүхэнд зарим гадаад үгсийг "Монгол хэлний зөв бичих дүрмийн журамласан толь"-ийн дагуу хэрхэн зөв бичих талаарх мэдээллийг хүргэж байна. Үгсийн утгыг "Монгол хэлний их тайлбар толь"-оос авав.

ИНДУКЦ /гадаад үг/

Товч утга 1. [логик] Салангид хэсэг зүйлээс ерөнхий дүгнэлтэд хүрэх арга

Товч утга 2. [физик] Соронзон орноор цахилгаан гүйдэл үүсэх үзэгдэл

Товч утга 3. [физиологи] Мэдрэлийн үйл ажиллагааны нэг нь нөгөөгөө бий болгох эсрэг шинж бүхий хөөрөл саатлын харилцан үйлдэл

Хувилал:

• Индукцийн [харьяалах Т.я.]
• Индукцэд [өгөх Орших Т.я.]
• Индукцийг [заах Т.я.]
• Индукцээс [гарах Т.я.]
• Индукцээр [үйлдэх Т.я.]
• Индукцтэй [хамтрах Т.я.]
• Индукц рүү [чиглэх Т.я.]
• Индукцээ [ерөнхийлөн Хамаатуулах]

Хөрш үг:

• Индукцлэл
• Индукцлэх
• Индус
• Индуу
• Индүү
• Индүүдлэг
• Индүүдүүлэх
• Индүүдэгч

ФИЗИК /гадаад үг/

Товч утга. Бодис зүй, бодисын ахуй чадал, тогтоц, түүний хөдлөх ба хувилах хэлбэр, байгалийн үзэгдлүүдийн нийт зүй тогтлыг судлах байгалийн ухааны үндсэн шинжлэх ухаан

Жишээ:

• физик хими (химийн аливаа үзэгдэл тэдгээрийн зүй тогтлыг физикийн онол, аргазүйн ерөнхий зарчимд тулгуурлан судлах шинжлэх ухаан)
• физик эмчилгээ (цахилгаан, гэрэл, дуу, ус, шавар, лаа зэргээр өвчнийг эмчлэх эмчилгээний нэг төрөл)

Хувилал:

• Физикийн [харьяалах Т.я.]
• Физикт [өгөх Орших Т.я.]
• Физикийг [заах Т.я.]
• Физикээс [гарах Т.я.]
• Физикээр [үйлдэх Т.я.]
• Физиктэй [хамтрах Т.я.]
• Физик рүү [чиглэх Т.я.]
• Физикээ [ерөнхийлөн Хамаатуулах]

Хөрш үг:

• Физикч
• Физиологи
• Физиологич
• Филармон
• Финанс
• Финик
• Фирм
• Флаш

КОНКУРС /гадаад үг/

Товч утга. Уралдаант шалгалт, сонгон шалгаруулалт

Жишээ:

• конкурст бэлтгэх (уралдаант шалгалтад бэлтгэх)
• конкурсийн материал (сонгон шалгаруулалтын хэрэглэгдэхүүн)
• конкурсээ амжилттай өгөх (уралдаант шалгалтад тэнцэх)

Хувилал:

• Конкурсийн [харьяалах Т.я.]
• Конкурст [өгөх Орших Т.я.]
• Конкурсийг [заах Т.я.]
• Конкурсээс [гарах Т.я.]
• Конкурсээр [үйлдэх Т.я.]
• Конкурстэй [хамтрах Т.я.]
• Конкурс рүү [чиглэх Т.я.]
• Конкурсээ [ерөнхийлөн Хамаатуулах]

Хөрш үг:

• Конкурсдэх
• Консерв
• Консерватив
• Консерватор
• Консервац
• Консервлох
• Консерциум
• Конспект