НЗДТГ-ын дарга, хотын Захирагч С.Амарсайхан ойрын хугацаанд төлөвлөж буй нийтийн тээврийн шинэчлэлтийн ажлаа дэлгэрэнгүй танилцуулсан билээ. Үүнд Агаарын замын зорчигч тээвэр, Цахилгаан соронзон галт тэрэг, Тусгай замын автобус, Такси үйлчилгээ, Автобусны парк шинэчлэлийн талаар танилцуулсан. 

Тэгвэл цахилгаан Агаарын замын зорчигч  тээврийн үйлчилгээний талаарх товч мэдээллийг хүргэе.

Агаарын замын зорчигч тээвэр буюу агаарын такси тээврийн үйлчилгээ нь -50, +50 хэмд найдвартай ажиллагаатай, өндөр хамгаалалт бүхий шинэ төрлийн тээврийн хэрэгсэл юм.

Мөн энэ нь нийслэлийн авто замын түгжрэлийг бууруулахад эерэг нөлөөтэй ба хөрсний бохирдол үүсгэхгүйгээр нийтийн тээврийн төрөл хүртээмжийг нэмэгдүүлэх эко технологи гэдгээрээ онцлог аж.

Энэхүү төсөл хэрэгжсэнээр одоогийн нийтийн тээврийн үйлчилгээг авах боломжгүй гэр хорооллын алслагдсан оршин суугчдыг богино хугацаанд тээвэрлэх боломж бүрдэнэ. Тухайлбал, Баянхошуунаас Ард Аюушийн өргөн чөлөө хүртэл 16 минут зарцуулснаар иргэдийн зорчих хугацааг 5 дахин багасгаж 15 минутад тус тус зорчих боломжийг бүрдүүлнэ. Хүлээлгийн хугацаа 3-5 минут бөгөөд цагт 3000 зорчигч тээвэрлэх боломжтой.

• Кабины хүлээлгийн хугацаа 3-5 минут
• Нийт 157 кабинтай
• Нэг кабины багтаамж 8-10 хүн
• Нийт урт 4,9 км
• Зорчигч тээвэрлэх хугацаа дунджаар 16 минут
• Кабины хүлээлгийн хугацаа 3-5 минут
• Цагт 3000 цаашлаад жилд 3,2 сая хүртэлх зорчигч тээвэрлэнэ.
• Энэ нь 1.2-1.7 сая автомашины зорчих урсгалыг сааруулна.
• Нэг талдаа дээд тал нь 4 м/cек хурдтайгаар 16 минут зорчих нь одоогийн авто замын урсгалаас даруй дөрөв дахин илүү үзүүлэлт юм.

​Төслийн видео танилцуулга: