Алтайн Таван Богд уулын мөнх цас хайлах,гол мөрөн татраад хуурайших үйл явц улам хүчтэй болжээ. Энэ талаар судалгаа хийсэн  Ус цаг уурын шинжилгээний төвийн ус судлалын тасгийн эрхлэгч доктор Даваа, Япон Улсын тэнгис судлаач доктор Казота, Коня, аймгийн ус цаг уурын шинжилгээний газрын дарга П.Жанаргүл нар аймгийн Засаг даргад мэдэгдээд,мөс судлах алба бий болгох санал дэвшүүллээ. Тэдний хэлснээр Таван Богдын энгэр дэх Потанины нэрэмжит алдарт мөсөн гол жил тутам нэг метр нимгэрч хайлдаг болсон байна.  Мөс судлах алба бий болгох учир нь дэлхийн цаг агаарын дулаарлыг мөсөн уул, голуудын өөрчлөлтөөр үнэлэн тогтоодог юм гэнэ.

Тус аймгийн нутаг дахь Ховд гол орчмын 179 нуур,21 гол,73 булаг шанд ширгэсэн тухай Ховд, Буянт голыг хамгаалах төслийнхэн,мөн Монголын Нууц товчоонд нэр нь тэмдэглэгдсэн Согоог-усны гол ширгээд гурван жил болж байгааг  Улаанхус сумын Согоог багийн иргэн Х.Муратбай мэдэгдлээ.