Өнөөдөр буюу пүрэв гарагт БНСУ-ын Почон хотод цэргийн сургуулилалтын үеэр сөнөөгч онгоцнууд санамсаргүйгээр суурьшлын бүсэд тэсрэх бөмбөг унагасны улмаас 15 хүн бэртжээ.

Шархадсан 15 хүний хоёрынх нь биеийн байдал хүнд байна хэмээн Гёнги мужийн онцгой байдлын албанаас мэдээлсэн байна.

Почон хот нь Сөүлөөс 40 км зайд байдаг бөгөөд ойр орчимд нь зэвсэгт хүчний анги, сургуулилалтын талбай байдаг аж.
Агаарын зэвсэгт хүчний мэдээлснээр KF-16 загварын сөнөөгч онгоцноос 225 кг-ийн жинтэй найман тэсрэх бөмбөг сургуулилтын талбайн гадна унасан байна.

Ёонхап агентлагийн мэдээлснээр алба хаагчид тэсрээгүй үлдсэн бөмбөг байгаа эсэхийг шалгахын тулд оршин суугчдыг нүүлгэн шилжүүлсэн гэв.
Орон нутгийн иргэд олон жилийн турш ойролцоох цэргийн сургуулилалтын талбайгаас гарах дуу чимээ, аюулгүй байдлын эрсдэлийн талаар эсэргүүцлээ илэрхийлсээр ирсэн.

Эх сурвалж: The Korea Times