Жүдо бөхийн  насанд хүрэгчдийн дэлхийн аварга шалгаруулах тэмцээн Унгарын нийслэл Будапешт хотноо өчигдөр эхэлсэн. Тэмцээний эрэгтэйчүүдийн 60 кгд хүч үзсэн үндэсний шигшээ багийн тамирчин К.Ёолк Бразилын  Мишел Августог  нэмэлт цагт ялж   хүрэл медаль хүртлээ.
  
Өдгөө 24 настай тамирчин анх удаа орсон ДАШТ-дээ ийнхүү амжилттай барилдаж, дэлхийн бөх боллоо.  

Монголын  жүдо бөхийн шигшээ баг тамирчдын дэлхийн аваргын 32 дахь медаль түүний дотор  19 дэх ( давхардсан тоогоор 21) хүрэл медалийн эзэн К.Ёолк боллоо гэж Монголын үндэсний олимпын хороо мэдээлэв.