АШУҮИС-ийн 82 дахь удаагийн хичээлийн шинэ жилийн нээлт өнөөдөр боллоо.  

Тус сургууль нь англи хэлээр хүний их эмч бэлтгэх хөтөлбөртэй бөгөөд "ASIIN" олон улсын байгууллагаар магадлан итгэмжлэгдсэн байна. Мөн 2+3 хөтөлбөрөөр гадаад улсаас Монголд суралцах боломжийг бүрдүүлжээ. Одоогоор уг сургуульд гадаад 180 гаруй оюутнууд суралцдаг гэв.

Нээлтийн үеэр АШУҮИС-ийн захирал Б.Дамдиндорж “Бид шинээр элссэн оюутнуудаа сайн эмч болгохоос гадна хүнлэг энэрэнгүй, шударга ёс зүйтэй, эх орноо, ээж ааваа хайрладаг, сайн иргэн болгон төлөвшүүлж бэлтгэн гаргахад анхаарч ажиллана” гэсэн юм.

Үргэлжлүүлэн тэрээр АШУҮИС нь дэд бакалаврын 9, бакалаврын 19, магистр, докторын 20 гаруй хөтөлбөртэйгөөр хичээлийн шинэ жилээ нээж байна. Энэ жил манай сургуульд  3100 гаруй оюутнууд шинээр элссэн бөгөөд нийт 16 мянга гаруй оюутнууд суралцаж байна.  

АШУҮИС-ийн харьяа таван эмнэлэг бий. Эрүүл мэндийн нийт ачааллын 12 хувийг эдгээр эмнэлгүүд хариуцдаг.

Мөн энэ жил их эмч мэргэжлээр онц сайн дүнтэй төгсөж буй оюутнууд магистрын зэрэгтэй хос дипломтой төгсөх боломжтой. Манай сургуулийн хүний их эмчийн мэргэжил  "АССИН" олон улсын байгууллагаар магадлан итгэмжлэгдсэн. Ингэснээр энэ мэргэжлээр төгссөн оюутнууд Европын холбооны улс, АНУ, Канад зэрэг орнуудад мэргэжлээрээ ажиллах боломж бүрдэж буй юм.  

Мөн сувилагч, нийгмийн эрүүл мэндийн мэргэжлүүд олон улсад магадлан итгэмжлэгдсэн. Их сургуулийн эмнэлгийн тогтолцоо маш чухал.  Бидний энэ жилийн гол зорилго бол хүний хөгжилд төвлөрнө. Багш оюутнууд төдийгүй энэ сургуульд ажиллаж буй бүх ажилтнуудад тохирсон хүний хөгжлийн хөтөлбөрүүдийг хэрэгжүүлнэ.

Мөн шинээр элссэн оюутнуудаа сайн эмч болгохоос гадна хүнлэг энэрэнгүй, шударга ёс зүйтэй, эх орноо, ээж ааваа хайрладаг, сайн иргэн болгон төлөвшүүлж бэлтгэн гаргахад анхаарч ажиллана” гэлээ.

АШУҮИС-ийн Чих, хамар, хоолойн тэнхимийн эрхлэгч Э.Жаргалхүү “Би АШУҮИС-ийн Чих, хамар хоолойн тэнхим, Монгол-Японы эмнэлгийн чих, хамар, хоолойн тасгийг хариуцаж ажилладаг. Манай тэнхим болон тасгийн хувьд энэ жил гадаад харилцаагаа өргөжүүллээ. Бид БНСУ-ын "Ёнсо" их сургуультай хамтран манай улсад эмчлэгддэггүй хоёр төрлийн өвчнийг эмчлэх технологийг нутагшуулах зорилготой ажиллаж байна.

Мөн манай тэнхим  Тайванийн их сургуультай хамтран сонсгол бууралтын үеийн гений мутацын судалгааны ажлыг хийж дуусах гэж байна.

Энэ судалгаа нь сонсголыг бууруулах үндэсний төлөвлөгөөний хүрээнд хэрэгжиж буй юм. Энэ ажил нь ирээдүйд Монгол Улсад гений эмчилгээг хэрэгжүүлэх суурь болж байгаа юм.  

Манай сургууль 82 дахь удаагийнхаа элсэлтийг авч, хичээлийн шинэ жилийн нээлтээ зохион байгуулж байна. АШУҮИС-ийн бүрэлдэхүүнд 15 мянган байгууллага, 25 мянган эрдэмтэн, багш, ажилтан ажилладаг.

Мөн таван эмнэлэг, бүрэлдэхүүн зургаан сургууль багтан ажиллаж байна. Би АШУҮИС-ийг 2001 онд төгсөж 2008 онд башаар ажиллаж эхэлсэн. Энэ хугацаанд 64 резидент эмч, 18 магистр, 14 сайбермагистр, 1 докторыг бэлтгэн гаргажээ” гэлээ.

АШУҮИС-ийн элсэгч Э.Нандин-Эрдэнэ “Би АШУҮИС-ийн лицей сургуулийг энэ жил төгссөн. ЭЕШ-д амжилттай оролцож биологи болон математикийн шалгалтад 800 оноо авсан.  

Би зургаадугаар ангиасаа эхлэн эмч болох мөрөөдөлтэй байсан. Тэр үеэс л эхэлж АШУҮИС-д сурах зорилготой байв. Өөрийнхөө нэг зорилгыг биелүүлээд хүний их эмчээр сурах болсондоо маш баяртай байна. Цаашид зүрхний мэс засалчаар дагнаж сурах, ажиллах зорилготой” гэлээ.