Хоккейн 2025 оны "Division III” ДАШТ Мексик улсад өнгөрсөн сарын 27 -ны өдөр эхэлсэн.

Энэ тэмцээнд Монгол Улс, БНАСАУ,  Мексик, Хонконг, Филиппин, Сингапурын шигшээ багууд өрсөлдөв. Монгол Улсын гавьяат дасгалжуулагч А.Мэргэн, гавьяат тамирчин Н.Мишигсүрэн, Г.Отгонбаяр нараар удирдуулсан баг  Филиппиний шигшээг 13:7, Сингапурыг  11:1 харьцаатай ялжээ.

БНАСАУ-ын шигшээд 7:3 харьцаатай ялагдал хүлээсэн. Улмаар тэмцээнийг зохион байгуулагч Мексик улсын шигшээ багтай тун өрсөлдөөнтэй, ширүүн тоглолтын эцэст 7:6 харьцаатай ялагдал хүлээлээ.

Хүрэл медалийн төлөөх тоглолтод Хонконгийн шигшээ багт 7:3 харьцаатай ялагдал хүлээв. Сүүлийн тоглолтод #22 дугаартай довтлогч ОУХМ Э.Энх-Амгалан,  #11 дугаартай довтлогч М.Чинзолбоо нар тэмцээний шилдэг тоглогчоор шалгарчээ.

Улсынхаа нэрийг дэлхийд сурталчлан таниулж, амжилттай өрсөлдөн, гуравдугаар дивизионы ДАШТ-д дөрөвдүгээр байрт шалгарлаа. Мөн Монголын хоккейчид тоглолтын шилдгээр шалгарсан онцгой тэмцээн өндөрлөлөө гэж Монголын үндэсний олимпын хороо мэдээлэв.

Гэрэл зургийг Ж. Адилбиш