2024-2025 оны хичээлийн жилд нийслэлийн цэцэрлэгт хамрагдах хүүхдүүдийн хүсэлтийг E-Mongolia системээр авч эхэлсэн.

Хүүхдийн мэдээлэлд үндэслэн сургуулийн хуваарилалт хийгдэж байгаа тул 2024 оны 8-р сарын 12-ний 17:00 цагаас өмнө хаягийн шилжилт хөдөлгөөнөө хийсэн байх шаардлагатай.

Бүртгэл наймдугаар сарын 12-ны өдөр хүртэл, мөн энэ өдрөөс наймдугаар сарын 25 хооронд үргэлжлэх юм.

Цэцэрлэгийн элсэлт, бүртгэлтэй холбоотой лавлах утасны жагсаалт:

• Нийслэлийн боловсролын газар: 7011-3039
• Баянгол: 7611-9595
• Баянзүрх: 7010-4005
• Сүхбаатар: 7011-1606
• Сонгинохайрхан: 7017-1110
• Хан-Уул: 11-342470
• Чингэлтэй: 11-315442
• Багануур: 7021-3815
• Багахангай: 7049-1017
• Налайх: 7023-3008
• E-Mongolia call center: 11-11/2

Түр оршин суугчид хүүхдээ хэрхэн бүртгүүлэх вэ?

Үргэлжлүүлэн суралцах болон шинээр элсэх хүүхэд бүр E-Mongolia системээр заавал бүртгүүлнэ. Иргэний бүртгэлийн шилжилт хөдөлгөөнийг 2024 оны 08 дугаар сарын 12-ны өдрөөс өмнө хийлгэхийг анхаарна уу. https://parent.edu.mn/-д хандаж явцын мэдээллийг харах боломжтой.

Цэцэрлэгийн бүртгэлтэй холбоотой түгээмэл асуулт, хариултад Боловсролын ерөнхий газраас хариулт бэлтгэсэн байна. Үүнд:

-Одоо амьдарч байгаа хаяг дээр аав нь бүртгэлтэй, ээж нь шилжиж ирээгүй бол яах вэ?
-Эцэг, эхийн аль аль нь хүсэлт гаргах боломжтой.

-Хаяг дээрээ түр оршин сууж байгаа тохиолдолд хэрхэн бүртгүүлэх вэ?
-Түр оршин суух хаягтай иргэд амьдарч буй дүүргийнхээ хороон дээр очиж хүн ам, өрхийн мэдээллийн системд түр оршин суугаа хаягаа бүртгүүлсэн байх шаардлагатай.

-Цэцэрлэгт хүүхдээ бүртгүүлэх хүсэлтээ илгээсний дараа хариу нь хэзээ ирэх вэ?
-2024 оны наймдугаар сарын 19-нөөс 2024.08.21-ний өдрүүдэд бүртгүүлсэн гар утасны дугаарт тань зурвасаар очно. Мөн E-Mongolia системээр рүү орж шалгах боломжтой.

-Хувийн цэцэрлэгт хамрагдсан хүүхдийг улсын цэцэрлэг рүү шилжүүлж болох уу?
-Цэцэрлэгт бүртгэлтэй тул хүсэлт илгээх боломжгүй бөгөөд тухайн цэцэрлэг дээрээ хасалт хийлгэсний дараа хүсэлт илгээх боломжтой.

-Цэцэрлэгийн бүртгэл элсэлтийн мэдээллийг хаанаас авч болох вэ?
-E-Mongolia систем болон https://parent.edu.mn/login цахим систем, Төрийн үйлчилгээний иргэд, олон нийттэй харилцах төвийн 11-11, Нийслэлийн боловсролын газрын 7011-3039 дугаарт хандан мэдээлэл авах боломжтой.

-Цэцэрлэгтээ хуваарилагдсан ч тухайн цэцэрлэгийн барилга нь ашиглалтад ороогүй, ажиллахгүй байвал яах вэ?
-Харьяа дүүргийнхээ боловсролын хэлтэст хандана.

-Цахимаар бүртгүүлээд дараа нь хуваарилагдсан цэцэрлэгтээ очиж давхар бүртгүүлэх үү?
-Цахимаар зөвхөн цэцэрлэгт хамрагд хүсэлтээ гаргах бөгөөд цэцэрлэгт хуваарилсан тухай мессеж ирсний дараа тухайн цэцэрлэгт очиж гэрээ байгуулна.

Үүнтэй холбогдуулан хэрхэн цахимаар бүртгүүлэх тухай зааврыг E-Mongolia фейсбүүк хуудаст байрлуулжээ.