ТӨСӨВ 2025

Соёл, спорт, аялал жуулчлал, залуучуудын сайдын урсгал зардлын төсвийг 101.7 тэрбум төгрөгөөр нэмжээ. 2025 онд энэ салбарын урсгал зардлыг 432 тэрбум төгрөгөөр төлөвлөсөн байна.

• Цалин, хөлс болон нэмэгдэл урамшлын зардлыг 31.1 тэрбум төгрөг,
• Байр ашиглалттай холбоотой тогтмол зардлыг 1.9 тэрбум төгрөг,
• Бусдаар гүйцэтгүүлсэн ажил, үйлчилгээний хураамжийг 6.3 тэрбум төгрөг,
• Хувийн хэвшлийн байгууллагад олгох татаасыг 33.0 тэрбум төгрөгөөр тус тус нэмжээ.

Хөрөнгө оруулалтын төсвийг 53 төсөл, арга хэмжээнд нийт 165.7 тэрбум төгрөгийг улсын төсвөөс, 3 төсөл, арга хэмжээнд 30.0 тэрбум төгрөгийг гадаад зээл тусламжаар санхүүжүүлнэ.

Соёлын сайд Ч.Номин “Өнгөрсөн арван жилийн хугацаанд биеийн тамир, спорттой холбоотой 80 гаруй бүтээн байгуулалт хийжээ. Спорт, соёлын салбарт ашиглалтад орсон барилга, байгууламжийг тогтмол үйл ажиллагаатай болгох буюу тоног төхөөрөмжийн бүтээн байгуулалтад анхаарч байна.

Энэ жил 27 тэрбум төгрөгийг тоног төхөөрөмжид зарцуулна. Биеийн тамир, спортын нэгдсэн бодлогогүй явж ирснийг хүлээн зөвшөөрч байна. Мэргэжлийн холбоод, клубуудын зарчимд тулгуурлан бодлогоо боловсруулж байна. Тун удахгүй танилцуулна” гэв.