Нийслэлийн хөрөнгө оруулалтын газраас "Сургуулийн барилга, 640 суудал (Улаанбаатар хот, Баянзүрх дүүрэг, 14 дүгээр хороо) ажлын дуусгал" нэртэй тендерийг өнөөдөр зарлажээ.

Нийт 3 тэрбум /3,090,700,000/ төгрөгийн төсөвт өртөгтэй уг тендерийн ТЭЗҮ-д зааснаар гүйцэтгэгч компани нь халаалт, цэвэр, бохир ус, агаар сэлгэлт, дээврийн ус зайлуулах шугам, гэрэлтүүлэг, холбоо, галын дохиолол, хяналтын камер, компьютерын сүлжээ, гадна хашаа, зүлэг, явган зам талбай, авто зам, сагсны талбай, саравч зэрэг 58 бүлэг ажлыг хийнэ.

Энэхүү 640 суудалтай сургуулийг барих тендерийг 2022 оны есдүгээр сард 10 тэрбум төгрөгийн төсөвт өртөгтэйгөөр зарлаж Цамхагконстракшн ХХК шалгарч байв.