Ахмад настны тухай хуульд оруулсан нэмэлт өөрчлөлт энэ сарын нэгнээс хэрэгжиж байгаатай холбогдуулж Ахмадын үндэсний чуулган болж байна.

Энэ чуулганаар

• Ахмад настны тухай хуулийн нэмэлт, өөрчлөлт;
• Ахмад настны  талаар хэрэгжүүлж байгаа бодлого, арга хэмжээ, зорилт;
• Ахмадын эрүүл мэндийн талаар авч хэрэгжүүлэх төрийн бодлого;
• Хуулийн хэрэгжилтийг хангахад ахмадын байгууллагуудын оролцоо, хамтын ажиллагааны талаар хэлэлцэж байна.

Чуулганы үеэр Гэр бүл, хөдөлмөр хамгааллын сайд Л.Энх-Амгалан "ДЭМБ-аас насны ангиллыг шинэчилсэн. Уг ангилалд 24-65 насны хүмүүсийн насанд хүрэгчид гэж нэрлэдэг болсон. 65-75 насны хүмүүсийг залуу ахмад гэж нэрлэдэг болсон.

Улсын төсвөөс жил бүр ₮5.4 их наядыг тэтгэвэрт зарцуулдаг. Тэтгэврийг инфляцтай уялдуулан жил бүр нэмэгдүүлнэ. Түүнчлэн тэтгэврийн даатгалын шинэчлэлт хийгдсэн. 

Олон жил яригдсан ахмадын сан “амилж” байгаа.

Манай улсын ахмад настны 60 гаруй хувь нь тэтгэврийн зээлтэй. Ихэнх нь хүүхдүүддээ зарцуулахаар авдаг гэдгийг судалгаа харуулсан. Манайх шиг 24 сараар тэтгэврээ 100 хувь барьцаалж зээл авдаг улс байдаггүй юм байна. Хаврын чуулганаар тэтгэврийн багц татварын шинэчлэлт хийнэ. Одоогоор бид нэг эх үүсвэрээс тэтгэвэр авдаг. Бусад улс 3-4 эх үүсвэрээс тэтгэвэр авдаг.

Тиймээс Монгол Улс дунд, урт хугацаандаа суурь татварууд буюу тэтгэврийн шинэчлэлийн гурван тогтолцоог нэвтрүүлнэ. Ахмадуудын авч буй тэтгэвэр амьжиргаанд нь хүрдэг байх ёстой. Мөн тэтгэврийн сан тогтвортой байх ёстой. Нэгдүгээр сарын 1-нээс НДШ-ийн 2 хувийг тэтгэврийн хуримтлалын санд хуримтлуулж байна. Олон жил яригдсан ахмадын сан “амилж” байгаа. Ахмад настнууд маань идэвхтэй, эрүүл амьдрах хэрэгтэй" гэлээ.

Мөн дундаж тэтгэвэр 848 мянган төгрөг болжээ. Шинэ хуулиар 60 орчим сувилалд хөнгөлөлттэй үнээр үйлчлүүлэх боломжтой. Өөрөөр хэлбэл, ахмад настан өөрөө нийгмийн даатгалын шимтгэл төлөх шаардлагагүй гэвэл тухайн ахмад настныг ажиллуулж буй байгууллага тэтгэврийн даатгалын шимтгэл 8.5 хувийг төлөхгүй байж болно.