Агаарын бохирдуулах зарим бодисын дундаж агууламж өнгөрсөн оны мөн үетэй харьцуулахад бага байна гэж Үндэсний статистикийн хорооноос мэдээллээ.

Тодруулбал, 2022 оны 10 дугаар сарын Улаанбаатар хотын агаар дахь агаар бохирдуулах бодисын дундаж агууламжийг өмнөх оны мөн үеийн дундаж агууламжтай харьцуулахад

• PM2.5 тоосонцор 2 мкг/м3-ээр буюу 6 хувиар,
• PM10 тоосонцор 12 мкг/м3-ээр буюу 11 хувиар,
• азотын давхар исэл 7 мкг/м3-ээр буюу 17 хувиар тус тус бага байна.

Харин хүхэрлэг хий 6 мкг/м3-ээр буюу 15 хувиар их гарсан байна.

Эх сурвалж: Цаг уур, орчны шинжилгээний газар, Үндэсний статистикийн хороо