Дэлхийн түүхэд зургаадугаар сарын 22-д болсон онцлох гурван үйл явдлыг танилцуулъя.

1941 оны зургаадугаар сарын 22. Нацист Герман Орос руу довтлов

Дэлхийн хоёрдугаар дайны үед Нацист Германы 3 сая цэрэг 1941 оны зургаадугаар сарын 22-д гурван шугамаар Орос руу довтолжээ.

Дэлхийн түүхэд хамгийн нүсэр довтолгоо хэмээн тэмдэглэгдсэн уг явдлыг "Барбаросса ажиллагаа" гэж нэрлэдэг бөгөөд 3000 танк, 2500 нисэх онгоц, 7000 их буу оролцсон байна.

Оросын зэвсэгт хүчин Германаас тоогоор илүү байсан ч том тулаанд бэлтгэлгүй байсан тул гэнэтийн цохилт авсан ба өдрийн дотор 1000 онгоцоо алджээ.

1978 оны зургаадугаар сарын 22. Дэлхийн ван гаргийн хамгийн том дагуулыг илрүүлэв

Нарны аймгийн бага гараг Дэлхийн вангийн хамгийн том дагуул "Charon"-ыг 1978 оны зургаадугаар сарын 22-д АНУ-ын Тэнгисийн цэргийн ажиглалтын төвийн одон орон судлаач Жеймс Кристи илрүүлжээ.

Чарон сар Дэлхийн ван гаргийн таван дагуулаас хамгийн том нь бөгөөд 606 км радиустай. Энэ нь Дэлхийн ван гаргаас хоёр дахин жижиг бөгөөд дэлхийн ван гаргийн жингийн наймны нэгтэй тэнцэх аж.

Чароны улаан хүрэн өнгийн хойд туйл нь толин тэргүүтэй органик макромолекулуудаас тогтдог нь аливаа амьдралын эх үүсвэр байж болохыг илтгэдэг байна.

1986 оны зургаадугаар сарын 22. Марадонагийн "Бурхны гар" Аргентинд Алтан дагиныг авчрав

1986 оны хөл бөмбөгийн дэлхийн аварга шалгаруулах тэмцээний шөвгийн наймд Аргентины шигшээ баг Английн шигшээ багийг 2-1 харьцаагаар хожсон.

Тоглолт 1986 оны зургаадугаар сарын 22-д болсон бөгөөд эхний гоолыг "Бурхны хүү" хочит Диего Марадона 51 дэх минутад оруулсан.

Тэрээр гоолыг гараараа оруулсан ч шүүгч толгойгоороо мөргөсөн хэмээн эндүүрч гоолыг тооцсон бөгөөд Аргентин дэлхийн аваргад түрүүлж Алтан дагина цомыг авахад чухал нөлөө үзүүлсэн гоол болсон юм.