Дэлхийн түүхэд зургаадугаар сарын 28-д болсон онцлох гурван үйл явдлыг танилцуулъя.

1820 оны зургаадугаар сарын 28. Улаан лоолийг хоргүй болохыг батлав

Америкийн тариаланч, түүхч Роберт Гиббон Жонсон 1820 оны зургаадугаар сарын 28-д Нью Жерсигийн Салем хотын шүүхийн үүдэнд улаан лооль идэж хоргүй болохыг нь нотолжээ.

Үүнээс өмнө хүн төрөлхтөн, тэр дундаа Европчууд улаан лоолийг хортой хэмээн итгэдэг байсан бол өдгөө улаан лооль хүн төрөлхтний хамгийн түгээмэл иддэг нарийн ногоонуудын нэг болсон.

1846 оны зургаадугаар сарын 28. Саксофон хөгжмийн зохиогчийн эрхийг авав

Конус хэлбэрийн металл хоолой, хуруун чинээ товчлууртай нэг зэгст үлээвэр хөгжим болох саксофоныг 1846 оны зургаадугаар сарын 28-д патентжуулжээ.

Хөгжмийг Бельгийн хөгжмийн зэмсэг бүтээгч Адольф Сакс 1840 оны эхэн үед бүтээсэн бөгөөд саксофоныг хоёр янзын 7 төрөлтэйгөөр бүтээсэн байна.

1919 оны зургаадугаар сарын 28. Энх тайван тогтоох Версалийн гэрээг байгуулав

Дэлхийн нэгдүгээр дайны үеийн энх тайван тогтоох гол гэрээнүүдийн нэг Версалийн гэрээг 1919 оны зургаадугаар сарын 28-д байгуулжээ.

Гэрээ Герман болон холбоотны хоорондох дайсагналыг зогсоосон бөгөөд 1919 оны аравдугаар сард байгуулсан Үндэстнүүдийн лигийн тогтоолоор баталгаажсан.

Версалийн гэрээ 1920 оны нэгдүгээр сарын 10-аас хэрэгжиж эхэлжээ.